சூப்பர் ஸ்டார் ரஜினிகாந்த் நடித்த 'பேட்ட' திரைப்படம் சென்சார் பணிகள் உள்பட அனைத்து பணிகளும் முடிவடைந்து வரும் பொங்கல் தினத்தில் ரிலீஸ் ஆக தயார் நிலையில் உள்ளது. இந்த நிலையில் இந்த படத்தின் புரமோஷன் ஜெட் வேகத்தில் நடந்து வரும் நிலையில் தற்போது இந்த படத்தின் டிரைலர் ரிலீஸ் தேதி அறிவிக்கப்பட்டுள்ளது.

பேட்ட' படத்தின் டிரைலர் வரும் 28ஆம் தேதி வெளிவரவுள்ளதாக அறிவிக்கப்பட்டுள்ளது. ஏற்கனவே இந்த படத்தின் பாடல்கள் சூப்பர் ஹிட்டாகி பட்டிதொட்டியெங்கும் பரவியுள்ள நிலையில் டிரைலரும் இணையதளத்தில் பல சாதனைகளை முறியடிக்கும் என எதிர்பார்க்கப்படுகிறது.

ரஜினிகாந்த், சிம்ரன், த்ரிஷா, விஜய்சேதுபதி, நவாசுதீன் சித்திக், பாபி சிம்ஹா, மேகா ஆகாஷ், சசிகுமார் உள்ளிட்ட பலர் நடித்துள்ள இந்த படத்திற்கு அனிருத் இசையமைத்துள்ளார். கார்த்திக் சுப்புராஜ் இயக்கத்தில் சன் பிக்சர்ஸ் தயாரிப்பில் உருவாகியுள்ள இந்த படம் 2019ஆம் ஆண்டின் முதல் மாஸ் ஹிட் படமாக இருக்கும் என எதிர்பார்க்கப்படுகிறது.