விக்ரம் மற்றும் துருவ் விக்ரம் இணைந்து நடிக்கும் திரைப்படத்தை கார்த்திக் சுப்புராஜ் இயக்கி வருகிறார் என்பதும் இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது என்பதும் தெரிந்ததே

இந்த படத்தில் நடிக்கும் நடிகர்கள் மற்றும் தொழில்நுட்ப கலைஞர்கள் குறித்த அறிவிப்பு அவ்வப்போது சமூக வலைதளங்களில் வெளிவந்து வைரலாகி வருகிறது. இந்த நிலையில் தற்போது வெளிவந்துள்ள தகவலின்படி இந்த படத்தில் நடிகர் தீபக் பரமேஷ் என்பவர் இணைந்துள்ளார். இவர் ஏற்கனவே கார்த்திக் சுப்புராஜ் இயக்கிய ’பேட்ட’ மற்றும் ‘ஜெகமே தந்திரம்’ ஆகிய படங்களில் நடித்துள்ளார் என்பதும் தற்போது மீண்டும் அவரது இயக்கத்தில் உருவாகும் ’சியான் 60’ படத்தில் நடிக்க உள்ளார் என்பது குறிப்பிடத்தக்கது.

ஏற்கனவே ’பேட்ட’ படத்தில் அன்வர் என்ற கேரக்டரில் நடித்த நடிகர் சனந்த் இந்த படத்தில் நடிக்க இருப்பதாக கடந்த சில நாட்களுக்கு முன்னர் அறிவிக்கப்பட்ட நிலையில் தற்போது ’பேட்ட’ படத்தில் நடித்த மற்றொரு நடிகர் இந்த படத்தில் இணைந்துள்ளார் என்பது குறிப்பிடத்தக்கது. மேலும் இந்த படத்தின் காஸ்ட்யூம் டிசைனராக பிரய்யான் ராஜா என்பவர் இணைந்துள்ளதாகவும் அறிவிக்கப்பட்டுள்ளது.

சிம்ரன் மற்றும் வாணி போஜன் ஆகிய இரண்டு கதாநாயகிகள் நடித்து வரும் இந்த படத்திற்கு சந்தோஷ் நாராயணன் இசையமைத்து வருகிறார். 7 ஸ்க்ரீன் ஸ்டுடியோ நிறுவனத்தின் தயாரிப்பில் பிரம்மாண்டமாக உருவாகி வரும் இந்தப் படம் இந்த ஆண்டின் மிகப்பெரிய எதிர்பார்ப்புக்குரிய படங்களில் ஒன்று என்பது குறிப்பிடத்தக்கது.

.@rdeepakparamesh joins the gang #Chiyaan60

Welcome onboard ????#ChiyaanVikram #DhruvVikram

A @karthiksubbaraj Padam pic.twitter.com/gNnAqD4beE pic.twitter.com/7rGZP5lgPj

— Seven Screen Studio (@7screenstudio) March 28, 2021