విజ‌య్ దేవ‌ర‌కొండ సినిమా అంటే విడుద‌ల‌కు ముందు ఎక్క‌డ‌లేని వివాదాలు చుట్టుముడుతుంటాయి. ఫ్రీ ప‌బ్లిసిటీ ప‌రంగా ఈ అంశాలు త‌న‌కు కూడా బాగానే క‌లిసొస్తున్నాయ‌నుకోండి.. ఆ విష‌యాన్ని ప‌క్క‌న పెడితే..! విజ‌య్ దేవ‌ర‌కొండ న‌టించిన 'నోటా' అక్టోబ‌ర్ 5న విడుద‌ల‌వుతుంది. 4న అమెరికాలో ప్రీమియ‌ర్స్ ప‌డ‌నున్నాయి.

తెలుగు, త‌మిళంలో సినిమా విడుద‌ల‌వుతుంది. అయితే ఈ సినిమా టైటిల్ ఎన్నిక‌ల యంత్రంలో ఓ ఆప్ష‌న్ కాబ‌ట్టి ఇది ఎన్నిక‌ల క‌మీష‌న్ ప‌రిధిలోకి వ‌స్తుంద‌ని.. యూనిట్ ఎన్నిక‌ల సంఘం ప‌ర్మిష‌న్ తీసుకుందా? లేదా? అని కైలేష్ నేత హైకోర్టులో పిటిష‌న్ వేశాడు.

ఇలాంటి సినిమాలు స‌మాజంపై ప్ర‌భావం చూపుతాయి కాబ‌ట్టి.. సామాన్య పౌరుని పిటిష‌న్ దాఖ‌లు చేసిన‌ట్లు.. అభ్యంత‌రక‌ర‌మైన స‌న్నివేశాల‌ను తొల‌గించాలని కూడా కైలేష్ నేత పిటిష‌న్‌లో కోరారు. నేడు పిటిష‌న్‌పై విచార‌ణ జ‌ర‌గ‌నుంది.