ரஜினிகாந்த்-கார்த்திக் சுப்புராஜ் படத்தில் முதல் தேசிய விருது பெற்ற கலைஞர்
- IndiaGlitz, [Monday,June 18 2018]
சூப்பர் ஸ்டார் ரஜினிகாந்த் நடிப்பில் கார்த்திக் சுப்புராஜ் இயக்கி வரும் படத்தின் படப்பிடிப்பு இமயமலை பகுதியில் விறுவிறுப்பாக நடைபெற்று வருகிறது.
இந்த நிலையில் இந்த படத்தின் ஸ்டண்ட் மாஸ்டராக பீட்டர் ஹெய்ன் ஒப்பந்தம் செய்யப்பட்டிருப்பதாக செய்திகள் வெளிவந்துள்ளது. ஏற்கனவே இவர் ரஜினிகாந்த் நடித்த 'எந்திரன்', 'கோச்சடையான்', 'சிவாஜி', போன்ற படங்களுக்கு ஸ்டண்ட் இயக்குனராக பணிபுரிந்துள்ளார் என்பது குறிப்பிடத்தக்கது
மேலும் கடந்த ஆண்டு முதன்முதலாக ஸ்டண்ட் இயக்குனருக்கான தேசிய விருது அறிவிக்கப்பட்டது. இந்த முதல் விருதை வாங்கிய பெருமையும் பீட்டர் ஹெய்னுக்கு உண்டு. மோகன்லால் நடித்த 'புலிமுருகன்' படத்திற்காக இவர் இந்த விருதினை பெற்றார்.
ரஜினிகாந்த், விஜய்சேதுபதி, பாபிசிம்ஹா, மேகா ஆகாஷ், சனத், முனிஷ்காந்த் உள்ளிட்ட பலர் நடித்து வரும் இந்த படத்திற்கு இளம் இசைப்புயல் அனிருத் இசையமைக்கவுள்ளார். 'தளபதி 62' படத்தை தயாரித்து வரும் சன் பிக்சர்ஸ் நிறுவனம் இந்த படத்தையும் பிரமாண்டமாக தயாரித்து வருகிறது என்பது குறிப்பிடத்தக்கது