தேசிய விருது பெற்ற ஸ்டண்ட் இயக்குனரின் பிறந்த நாள் விழாவில் ரஜினி
- IndiaGlitz, [Monday,August 13 2018]
சூப்பர் ஸ்டார் ரஜினிகாந்த் நடிப்பில் கார்த்திக் சுப்புராஜ் இயக்கத்தில் உருவாகி வரும் இன்னும் டைட்டில் வைக்காத திரைப்படத்திற்கு ஸ்டண்ட் இயக்குனராக பணிபுரிந்து வருபவரும் தேசிய விருது பெற்றவருமான பீட்டர் ஹெய்ன் நேற்று தனது பிறந்த நாளை கொண்டாடினார்.
ரஜினி-கார்த்திக் சுப்புராஜ் படத்தின் படப்பிடிப்பில் நடந்த இந்த பிறந்த நாள் கொண்டாட்டத்தில் ரஜினி உள்பட படக்குழுவினர் அனைவரும் கலந்து கொண்டு பீட்டர் ஹெய்னுக்கு வாழ்த்து தெரிவித்தனர். படக்குழுவினர் மத்தியில் பிறந்த நாள் கேக் வெட்டிய பீட்டர் ஹெய்ன், முதல் கேக்துண்டை ரஜினிக்கு ஊட்டி தனது மகிழ்ச்சியையும் நன்றியையும் தெரிவித்து கொண்டார்.
தனக்கு பிறந்த நாள் வாழ்த்து கூறிய ஒவ்வொருவருக்கும் தனது நன்றியை தெரிவித்து கொள்வதாக பீட்டர் ஹெய்ன்ஸ் தனது சமூக வலைத்தளத்தில் கூறியுள்ளார்.