சூப்பர் ஸ்டார் ரஜினிகாந்த் நடித்த '2.0' திரைப்படம் ஒருபக்கம் ரூ.500 கோடி வசூல் செய்து பட்டையை கிளப்பி வருகிறது. இந்த நிலையில் அவர் நடித்த இன்னொரு படமான 'பேட்ட' திரைப்படத்தின் புரமோஷன் பணிகள் ஜெட் வேகத்தில் நடந்து வருகிறது. இந்த படம் குறித்த தகவல்கள் தினமும் வெளியாகி இணையதளங்களில் டிரெண்டில் உள்ளது.

இந்த நிலையில் நாளை 'பேட்ட' படத்தின் இரண்டாம் சிங்கிள் பாடல் வெளிவரவுள்ளது. அதனையடுத்து வரும் 9ஆம் தேதி இந்த படத்தின் இசை வெளியீட்டு விழாவும் நடைபெறவுள்ளது. மேலும் வரும் 12ஆம் தேதி ரஜினியின் பிறந்த நாளன்று ரஜினி ரசிகர்களுக்கு ஒரு இன்ப அதிர்ச்சி கொடுக்க படக்குழுவினர் முடிவு செய்துள்ளதாக தகவல்கள் வந்துள்ளது.

அதாவது டிசம்பர் 12ஆம் தேதி ரஜினியின் பிறந்த நாளை கொண்டாடும் வகையில் இந்த படத்தின் டிரைலர் வெளியாகவுள்ளதாக செய்திகள் வெளிவந்துள்ளது. இந்த செய்தி ரஜினி ரசிகர்களுக்கு உச்சகட்ட உற்சாகத்தை அளித்துள்ளது.