சூப்ப ஸ்டார் ரஜினிகாந்த் அவர்கள் நடிகர் சங்கம், இயக்குனர் சங்கம் உள்பட நலிவடைந்த கலைஞர்களுக்கு 24 டன்கள் அரிசி, பருப்பு உள்பட மளிகை பொருட்களை வழங்கியுள்ளார். இந்த பொருட்கள் தற்போது உறுப்பினர்களுக்கு வழங்கப்பட்டு கொண்டிருக்கின்றன என்பது குறிப்பிடத்தக்கது. ரஜினியின் இந்த உதவிக்கு இயக்குனர் சங்கம் உள்பட திரையுலகினர் பலர் நன்றி தெரிவித்து வருகின்றனர்.

இந்த நிலையில் இயக்குனர் சங்க பொருளாளரும் இயக்குனருமான பேரரசு தனது சமூக வலைத்தளத்தில் ரஜினியின் கட்டளையை மீறிவிட்டோம் என்று டுவீட் ஒன்றை பதிவு செய்துள்ளார். அவர் அந்த டுவீட்டில் மேலும் கூறியிருப்பதாவது:

ரஜினி சாரின் கட்டளையை மீறிவிட்டோம்! இயக்குனர் சங்க உறுப்பினர்களுக்கு அரிசிமூட்டை,மளிகைப் பொருட்கள் வழங்கும் போது "பத்திரிகைகளை அழைக்கவோ, செய்தி கொடுக்கவோ வேண்டாம் "என்ற நிபந்தனையோடுதான் கொடுத்தார். அது அவரின் பெருந்தன்மையாக இருக்கலாம். பெற்ற உதவியை நாங்கள் எப்படி சொல்லாதிருப்பது!" என்று குறிப்பிட்டுள்ளார்.

ரஜினி சாரின் கட்டளையை மீறிவிட்டோம்!
இயக்குனர் சங்க உறுப்பினர்களுக்கு அரிசிமூட்டை,மளிகைப் பொருட்கள் வழங்கும் போது "பத்திரிகைகளை அழைக்கவோ, செய்தி கொடுக்கவோ வேண்டாம் "என்ற நிபந்தனையோடுதான் கொடுத்தார்.
அது அவரின் பெருந்தன்மையாக இருக்கலாம்
பெற்ற உதவியை நாங்கள் எப்படி சொல்லாதிருப்பது! pic.twitter.com/iGxCBF6F62

— PERARASU ARASU (@ARASUPERARASU) April 23, 2020