పట్టపగలే నడిరోడ్డుపై నటుడిని చితకబాదిన జనం!
- IndiaGlitz, [Friday,August 30 2019]
అవును.. మీరు వింటున్నది నిజమే.. పట్టపగలే నడిరోడ్డుపై నటుడిని జనాలు చితకబాదారు. ఇందుకు కారణం ఆయన అతిగా ప్రవర్తించడమే అని తెలుస్తోంది. నటుడు చేసిన పనికి నివ్వెరపోయిన జనాలు ఇక రెచ్చిపోయి మరి చితకబాదారు. ఇంతకీ ఆ నటుడు ఎవరు..? ఎందుకింతలా చితకబాదారు..? అనే విషయాలు ఈ ప్రత్యేక కథనంలో తెలుసుకుందాం.
బిగ్‌బాస్ మాజీ కంటెస్టెంట్, కన్నడ నటుడు హుచ్చ వెంకట్ గురించి ప్రత్యేకించి చెప్పనక్కర్లేదు. ఎందుకంటే అటు సినిమాలు లేకుంటే ఇటు వివాదాలే వెంకట్ హాబీ. తాజాగా ఏకంగా ఓ వ్యక్తితో వాగ్వాదానికి దిగిన వెంకట్.. అతనిపై దాడికి చేయడానికి యత్నించాడు. ఈ క్రమంలో ఆగ్రహం కట్టలు తెంచుకోవడంతో అతని కారుపై కూడా దాడి చేశాడు. ఈ ఘటనతో కంగుతిన్న చుట్టుపక్కలున్న జనాలు ఆయన్ను నటుడు అని కూడా చితకబాదారు.
ఈ క్రమంలో వెంకట్ చేతిలో గాయపడిన దిలీప్ మీడియాతో మాట్లాడుతూ.. తన వైపు ఎందుకు చూస్తున్నావ్..? తానెవరో తెలుసా..? అంటూ తానే మొదట బెదిరించాడని చెప్పాడు. మీరు వెంకట్ ఆ అని అడగ్గా.. అంతే.. ఆపై తన చెంప చెల్లుమనిపించి.. అక్కడే ఉన్న తన కారుపై దాడికి పాల్పడ్డాడని బాధితుడు దిలీప్ ఆరోపించాడు. అకారణంగా హుచ్చ వెంకట్ దిలీప్ అనే వ్యక్తిపై దాడికి పాల్పడ్డాడని ప్రత్యక్ష సాక్షులు చెబుతున్నారు. కాగా ప్రస్తుతం ఈ వ్యవహారం పోలీస్ స్టేషన్‌ దాకా వెళ్లింది.