బాలీవుడ్ లో పెళ్లిచూపులు
- IndiaGlitz, [Friday,August 12 2016]
విజ‌య్ దేవ‌ర‌కొండ, రీతూవ‌ర్మ జంట‌గా నూత‌న ద‌ర్శ‌కుడు త‌రుణ్ భాస్క‌ర్ తెర‌కెక్కించిన చిత్రం పెళ్లిచూపులు. రాజ్ కందుకూరి నిర్మించిన పెళ్లిచూపులు చిత్రం విమ‌ర్శ‌కుల ప్ర‌శంస‌లు అందుకుంటూ విజ‌య‌వంతంగా ప్ర‌ద‌ర్శిత‌మౌతుంది. ఇదిలా ఉంటే....టాలీవుడ్ లో సెన్సేష‌న్ క్రియేట్ చేస్తున్న పెళ్లిచూపులు చిత్రాన్ని బాలీవుడ్ లో రీమేక్ చేయ‌డానికి ప్లాన్ చేస్తున్నారు. ఈ చిత్రాన్ని స‌ల్మాన్ ఖాన్ రీమేక్ చేస్తుండ‌డం విశేషం. ఈ చిత్రంలో స‌ల్మాన్ న‌టించ‌డంతో పాటు స‌ల్మాన్ బావ‌మ‌ర‌ది ఆయుష్ శ‌ర్మ‌ను బాలీవుడ్ కి ప‌రిచ‌యం చేయాల‌నుకుంటున్నార‌ట. ఈ విష‌యాన్ని నిర్మాత రాజ్ కందుకూరి మీడియాకి తెలియ‌చేసారు. స‌ల్మాన్ తో మాట్లాడడం కుద‌ర‌క‌పోవ‌డంతో స‌ల్మాన్ బావ అతుల్‌ అగ్నిహోత్రితో చర్చించాం. పూర్తి వివ‌రాలు త్వ‌ర‌లో ప్ర‌క‌టిస్తాం అని చెప్పారు. బాలీవుడ్ రీమేక్ కి కూడా త‌రుణ్ భాస్క‌ర్ ద‌ర్శ‌క‌త్వం వ‌హించే అవ‌కాశం ఉందని స‌మాచారం.