బాలీవుడ్ లో పెళ్లిచూపులు రీమేక్
- IndiaGlitz, [Wednesday,September 21 2016]
తరుణ్‌భాస్క‌ర్ దర్శకత్వంలో రాజ్‌కందుకూరి, యష్ రంగినేని నిర్మించిన చిత్రం 'పెళ్ళిచూపులు'. విజ‌య్‌దేవ‌ర‌కొండ, రీతూవ‌ర్మ న‌టించిన ఈ చిత్రానికి చాలా మంచి రెస్పాన్స్ వ‌స్తుంది. ఈ సినిమాను సురేష్ ప్రొడక్షన్స్ బ్యాన‌ర్‌పై విడుదల చేశారు. తెలుగు రాష్ట్రాల్లోనే కాకుండా ఓవ‌ర్‌సీస్‌లో సైతం సినిమాకు మంచి రెస్పాన్స్‌తో మిలియ‌న్ డాల‌ర్ల్ క‌లెక్ష‌న్స్‌ను సాధించింది.
హ్యుజ్ స‌క్సెస్‌తో పెళ్ళిచూపులు సినిమాపై ఇత‌ర సినీ ఇండ‌స్ట్రీకి చెందినవారు ఆస‌క్తిని చూపిస్తున్నారు. తాజాగా పెళ్ళిచూపులు సినిమాను బాలీవుడ్‌లో రీమేక్ చేయ‌డానికి బాలీవుడ్ సూప‌ర్‌స్టార్ స‌ల్మాన్‌ఖాన్ హ‌క్కుల‌ను చేజిక్కించుకున్నాడ‌ని విశ్వ‌స‌నీయ వ‌ర్గాల స‌మాచారం. ఈ సినిమాను నూత‌న న‌టీన‌టుల‌తో స‌ల్మాన్‌ఖాన్ నిర్మిస్తాడ‌ట.