கடந்த தீபாவளி தினத்தில் வெளியான தளபதி விஜய்யின் 'மெர்சல்' படத்தில் இடம்பெற்றிருந்த ஜிஎஸ்டி மற்றும் மத்திய அரசின் சில திட்டங்கள் குறித்த வசனங்கள் இருந்தது. இந்த வசனங்களை நீக்க வேண்டும் என்று தமிழக பாஜகவினர் குரல் கொடுத்தனர். குறிப்பாக பாஜக தேசிய செயலாளர் எச்.ராஜா, விஜய்யை ஜோசப் விஜய் என்று கிண்டலாக கூறியது அனைவரையும் முகம் சுளிக்க செய்தது

இந்த நிலையில் 'மெர்சல்' பட வெற்றிக்கு நன்றி தெரிவித்து விஜய் சமீபத்தில் அறிக்கை வெளியிட்டார். தன்னை 'ஜோசப் விஜய்' என்று கேலி செய்த எச்.ராஜாவுக்கு பதிலடி கொடுக்கும் வகையில் அதே ஜோசப் விஜய் என்று இருந்த லட்டர்பேடிலேயே அவர் நன்றி தெரிவித்து பதிலடி கொடுத்தார்

இதுகுறித்து தனியார் தொலைக்காட்சி ஒன்றுக்கு பேட்டியளித்த முன்னாள் மத்திய நிதியமைச்சர் ப.சிதம்பரம், 'ஜோசப் விஜய் என்ற தன்னுடைய பெயர் ஒரு அவமானம் அல்ல. அது ஒரு அடையாளம் என்று பெருமையாக ஜோசப் விஜய் என பொறிக்கப்பட்டுள்ள லெட்டர் பேடில் குறிப்பிட்டுள்ளார் விஜய். அவருக்கு எனது பாராட்டுகள் என்று ப.சிதம்பரம் தெரிவித்துள்ளார்.