பிரபல இயக்குனர் வெங்கட்பிரபு இயக்கத்தில் சிம்பு நடிக்கும் படத்தின் அறிவிப்பு சமீபத்தில் வெளிவந்து பெரும் பரபரப்பை ஏற்படுத்தியது. சுரேஷ் காமாட்சி தயாரிக்கும் இந்த படத்தின் படப்பிடிப்பு விரைவில் தொடங்கப்பட்டு அடுத்த ஆண்டு வெளியாகவுள்ளது.

இந்த நிலையில் இந்த படத்தின் டைட்டில் 'எஸ்டிஆர் அதிரடி வெங்கட்பிரபு ஆக்சன்' என்று இருக்கலாம் என்ற செய்தி பரவி வருகிறது. இந்த நிலையில் இந்த படத்திற்கு பிசி ஸ்ரீராம் ஒளிப்பதிவு செய்வார் என்றும், ஏ.ஆர்.ரஹ்மான் இசையமைப்பார் என்றும் கூறப்படுகிறது. திரையுலகின் இந்த இரு மேதைகள் இந்த படத்தில் இணைவது உறுதி செய்யப்பட்டால் இந்த படத்தின் எதிர்பார்ப்பு எகிறும் என்பதில் சந்தேகம் இல்லை.

மேலும் இந்த படம் 'பில்லா' படத்தின் தொடர்ச்சி இல்லை என்பதை ஏற்கனவே பார்த்தோம். அதேபோல் 'கோவா', சரோஜா,' பார்ட்டி' போன்ற ஜாலியான படமும் இது இல்லையாம். முழுக்க முழுக்க சீரியஸான ஒரு ஆக்சன் த்ரில்லர் தான் இந்த படம் என்று கூறப்படுகிறது. அஜித்துக்கு ஒரு 'மங்காத்தா' போல் அவரது வெறித்தனமான ரசிகரான சிம்புவுக்கும் இந்த படம் ஒரு சூப்பர் ஹிட் வெற்றிப்படமாக அமையுமா? என்பதை பொறுத்திருந்து பார்ப்போம்