നടിയെ ആക്രമിച്ച കേസ്: പി.സി ജോര്Âജിന്റെ മൊഴിയെടുക്കും
- IndiaGlitz, [Monday,July 24 2017]
യുവനടി ആക്രമിക്കപ്പെട്ട കേസുമായി ബന്ധപ്പെട്ടു പി.സി. ജോര്‍ജ് എം.എല്‍.എയുടെ മൊഴിയെടുക്കും. ദിലീപിനെതിരെ ഗൂഢാലോചനയുണ്ടെന്നും കേസില്‍ മറ്റ് ഗൂഢാലോചനയില്ലെന്നും എം.എല്‍.എ നടത്തിയ പരാമര്‍ശത്തിന്റെ അടിസ്ഥാനത്തിലാണ് ചോദ്യം ചെയ്യുന്നത്.
അറസ്റ്റിനു പിന്നാലെ ദീലീപിന് പിന്തുണയുമായി പി.സി ജോര്‍ജ് രംഗത്തെത്തിയിരുന്നു.
പിണറായി വിജയനും നടനെ ഉപേക്ഷിച്ചുപോയ സ്ത്രീയും വേദി പങ്കിട്ടതിനു ശേഷമാണ് ഗൂഢാലോചന ഉയര്‍ന്നുവന്നത്. കേരളത്തില്‍ നിരവധി സ്ത്രീകള്‍ ബലാത്സംഗത്തിന് ഇരയാവുന്നു. സിന്ദാബാദ് വിളിക്കാന്‍ അപ്പോഴൊന്നും ആരെയും കണ്ടിട്ടില്ല. സിനിമാ നടിയെ ബലാത്സംഗം ചെയ്തപ്പോള്‍ മാത്രമാണ് സിന്ദാബാദ് എന്നും പിസി ജോര്‍ജ് പറഞ്ഞിരുന്നു.