హాట్ బ్యూటీ పాయ‌ల్ రాజ్‌పుత్ లాక్‌డౌన్ వ‌ల్ల వ‌చ్చిన క్వారంటైన్ టైమ్‌ను డిఫ‌రెంట్‌గా వాడుకుంటుంది. ఇంటిప‌నులు చేసుకుంటున్నాన‌ని, త‌న ప‌ని మ‌నిషిని మిస్ అవుతున్నాన‌ని, బోర్‌గా ఉంద‌ని సోష‌ల్ మీడియాలో వీడియోలు పెడుతున్న పాయ‌ల్ రీసెంట్‌గా ఆంగ్ల ప‌త్రిక‌ల్లో వ‌చ్చే పేజ్ 3 న్యూస్ పేప‌ర్‌నే త‌న డ్రెస్‌గా క‌వ‌ర్ చేసుకుని(పేప‌ర్ స్క‌ర్ట్‌) ఫొటోల‌ను దిగి సోష‌ల్ మీడియాలో షేర్ చేసి అంద‌రినీ అవాక్క‌య్యేలా చేసింది. ఇటీవ‌ల పిల్లో ఛాలెంజ్ విసిరింది. అంటే త‌ల‌గ‌డ‌ల‌ను డ్రెస్సులాగా క‌ప్పుకుని ఫొటోల‌ను షేర్ చేసిన సంగ‌తి తెలిసిందే. ఇప్పుడు పాయల్ పేప‌ర్ స్క‌ర్ట్ చూసిన వారికి ఆహా నా పెళ్లంటే కోట‌శ్రీనివాస‌రావు చేసిన కామెడీ గుర్తుకు రాక‌మాన‌దు. పాయ‌ల్‌కు ఇంత క్రియేటివిటీ ఏంటి బాబోయ్ అని అనుకోవ‌డం ప్రేక్ష‌కుడి వంత‌వుతుంది.

తొలి చిత్రం ‘ఆర్.ఎక్స్ 100’తో హాట్ హీరోయిన్‌గా క్రేజ్ సంపాదించుకుంది పాయ‌ల్ రాజ్‌పుత్‌. అయితే ఆ త‌ర్వాత ఆమె న‌టించిన ఆర్.డి.ఎక్స్ ల‌వ్ ఆమెను పాతాళంలోకి తోసేసింది. అలాగే వెంకీమామ హిట్టే అయినా త‌న‌ను బాబి స‌రిగ్గా ఎష్టాబ్లిష్ చేయ‌లేద‌ని ఈ భామ వాపోతుంది. ఇక డిస్కోరాజాలో ర‌వితేజ ప‌క్క‌న మెయిన్ హీరోయిన్‌గా న‌టించిన‌ప్ప‌టికీ సినిమా డిజాస్ట‌ర్ కావ‌డంతో పాయ‌ల్‌కు అవ‌కాశాలు లేకుండా పోయాయి.