పవన్ సినిమా ఆగిపోలేదు...నిర్మాత వివరణ...
- IndiaGlitz, [Monday,July 04 2016]
సర్దార్ గబ్బర్ సింగ్ తర్వాత పవర్ స్టార్ పవన్ కల్యాణ్ రెండు సినిమాల్లో నటించడానికి సిద్ధమయ్యాడు. అందులో ఒక చిత్రం డాలీ దర్శకత్వంలో శరత్ మరార్ నిర్మాతగా స్టార్ట్ అయ్యింది. దానికి సంబంధించిన అధికార‌క ప్ర‌క‌ట‌న చేశారు కూడా. అయితే కొన్ని రోజులుగా పవన్ సినిమా ఆగిపోయింద‌ని, పవన్ త్రివిక్ర‌మ్ సినిమాలో న‌టించ‌బోతున్నాడంటూ సోష‌ల్ మీడియాలో వార్త‌లు వినిపించాయి.
అయితే ఈ వార్త‌ల‌పై నిర్మాత శరత్ మరార్ ఈ వార్త‌ల‌ను కొట్టిపారేశారు. సినిమా ఆగిపోయిందంటూ వ‌స్తున్న వార్త‌ల‌ను ఆయన కొట్టి పారేశారు. ప్ర‌స్తుతం సినిమా ప్రీ ప్రొడ‌క్ష‌న్ ప‌నుల‌ను జ‌రుపుకుంటుంది. త్వ‌రలోనే సినిమాను సెట్స్‌లోకి తీసుక‌ళ్ళ‌డానికి ప్ర‌య‌త్నాలు జ‌రుగుతున్నాయంటూ ఆయన చెప్పుకొచ్చారు.దీంతో పవన్ సినిమాపై వ‌స్తున్న వార్త‌ల‌కు చెక్ పెట్టిన‌ట్ట‌య్యింది.