జ‌న‌సేనాని, ప‌వ‌ర్‌స్టార్ ప‌వ‌న్‌క‌ల్యాణ్ సినిమాల్లోకి రీ ఎంట్రీ ఇచ్చిన సంగ‌తి తెలిసిందే. ఎక్క‌డా అధికారికంగా స‌మాచారం రాకున్న‌ప్ప‌టికీ అన‌ధికారికంగా పవ‌న్ ఇప్ప‌టికే రెండు సినిమాల‌ను ఓకే చేశారు. మ‌రో రెండు సినిమాల‌ను ట్రాక్ ఎక్కించ‌డానికి సిద్ధ‌మ‌వుతున్నారు. కాగా.. ప్ర‌స్తుతం `పింక్‌` రీమేక్ చిత్రీక‌ర‌ణ‌లో ప‌వ‌న్ ఫుల్ బిజీగా ఉన్నారు. ఈ సినిమాను లీకేజీల స‌మ‌స్య తెగ ఇబ్బంది పెడుతుంది. సినిమా ప్రారంభం రోజునే ప‌వ‌న్ లుక్ లీక్ అయ్యింది. కాగా.. ఇప్పుడు 20 సెక‌న్స్ వ్య‌వ‌థి ఉన్న వీడియోను లీకేజీ వీరులు విడుద‌ల చేశారు.

ఈ వీడియోలో నేను న‌ల్ల‌కోటు వేసుకుంటే వేయ‌డానికి పిటీష‌న్స్‌..తీసుకోవ‌డానికి బెయిల్స్ ఉండ‌వు` అని త‌న‌తో మాట్లాడుతున్న వ్య‌క్తితో ప‌వ‌న్ డైలాగ్ చెబుతున్నారు. స్పాట్‌లోని వ్య‌క్తులే ర‌హ‌స్యంగా ఈ వీడియో చిత్రీకరించి లీక్ చేశార‌ని వార్త‌లు విన‌ప‌డుతున్నాయి. వేణుశ్రీరామ్ ద‌ర్శ‌క‌త్వంలో దిల్‌రాజు, బోనీ క‌పూర్ ఈ చిత్రాన్ని నిర్మిస్తున్నారు. ఈ ఏడాది వేస‌వి సంద‌ర్భంగా మే 25న సినిమాను విడుదల చేస్తున్నామ‌ని నిర్మాత దిల్‌రాజు ప్ర‌క‌టించారు. దీని వెంట‌నే క్రిష్ ద‌ర్శ‌క‌త్వంలో ప‌వ‌న్..ఓ పీరియాడిక‌ల్ మూవీలో రాబిన్ హుడ్ త‌ర‌హా పాత్ర‌లో న‌టించ‌బోతున్నారు. ఈసినిమా కూడా లాంఛ‌నంగా ప్రారంభ‌మైంది.