పవర్ స్టార్ మూవీ టైటిల్ ఎనౌన్స్ చేసిన శరత్ మరార్..!
- IndiaGlitz, [Thursday,September 01 2016]
పవర్ స్టార్ ప‌వ‌న్ క‌ళ్యాణ్ న‌టించిన స‌ర్ధార్ గ‌బ్బ‌ర్ సింగ్ నిరాశ ప‌ర‌చ‌డంతో ఈసారి అభిమానుల అంచ‌నాల‌కు త‌గ్గ‌ట్టుగా స‌క్సెస్ ఫుల్ మూవీ చేయ‌డానికి రెడీ అవుతున్నారు. ఈ చిత్రాన్ని గోపాల గోపాల ఫేమ్ డాలీ తెర‌కెక్కించ‌నున్నారు. ప‌వ‌న్ ఫ్రెండ్ శరత్ మరార్ నార్త్ స్టార్ ఎంటర్ టైన్మెంట్ బ్యాన‌ర్ పై ఈ చిత్రాన్ని నిర్మిస్తున్నారు. ఫ్యాక్ష‌న్ లీడ‌ర్ ప్రేమ‌క‌థా చిత్రంగా ఈ చిత్రం రూపొంద‌నుంది. ఈ మూవీకి క‌డ‌ప కింగ్ అనే టైటిల్ ప‌రిశీలిస్తున్న‌ట్టు ప్ర‌చారం జ‌రిగింది.
ఇదిలా ఉంటే.... రేపు ప‌వ‌న్ క‌ళ్యాణ్ పుట్టిన‌రోజు సంద‌ర్భంగా నిర్మాత శరత్ మరార్ ప‌వ‌న్ మూవీ టైటిల్ కాట‌మ‌రాయుడు అని ట్విట్ట‌ర్ ద్వారా ఎనౌన్స్ చేసారు. అత్తారింటికి దారేది చిత్రంలో ప‌వ‌న్ పాడిన కాట‌మ‌రాయుడా...క‌దిరి న‌రసింహుడా...అనే పాట ఎంత పాపుల‌ర్ అయ్యిందో తెలిసిందే. ఇప్పుడు ఈ పాట‌లోని కాట‌మ‌రాయుడు..అనేది ప‌వ‌న్ మూవీకి టైటిల్ గా పెట్ట‌డం విశేషం.