ఏలూరులో పవన్ ఓటు..!
- IndiaGlitz, [Monday,October 31 2016]
ప‌శ్చిమ గోదావ‌రి జిల్లా కేంద్ర‌మైన ఏలూరులో త‌న ఓటు న‌మోదు చేయించుకోవాల‌ని జనసేన అధ్య‌క్షుడు శ్రీ పవన్ క‌ళ్యాణ్ నిర్ణ‌యించారు. ప‌శ్చిమ గోదావ‌రి జిల్లా నుంచి భారీగా వచ్చిన జనసేన నేత‌లు, కార్య‌క‌ర్త‌లు, అభిమానులు సోమ‌వారం పవన్ క‌ళ్యాణ్ ను హైద‌రాబాద్ లో క‌లుసుకున్నారు. ఏలూరులో ఓటును న‌మోదు చేయించుకోవాల‌ని ఈ సంద‌ర్భంగా జనసేన నేత‌లు పవన్ క‌ళ్యాణ్ ను కోర‌గా అందుకు ఆయ‌న సుముఖ‌త తెలిపారు.
దీని పై స్పందించిన జనసేన అధినేత, ఓటు న‌మోదుకు కావాల్సిన చ‌ర్య‌లు సిద్దం చేయ‌మ‌ని పార్టీ ప‌రిపాల‌న విభాగానికి ఆదేశాలు జారీ చేసారు. ఏలూరులో త‌న‌కు అనుకూల‌మైన నివాస భ‌వనాన్ని చూడాల‌ని కోరారు. అవిభాజ్య ఆంధ్ర‌ప్ర‌దేశ్ రాష్ట్రంలోని హైద‌రాబాద్ లో అప్ప‌ట్లో పవన్ క‌ళ్యాణ్ ఓటును న‌మోదు చేసుకున్నారు. ప్ర‌స్తుతం జూబ్లీహిల్స్ నుంచి త‌న ఓటు హ‌క్కును పవన్ క‌ళ్యాణ్ వినియోగించుకుంటున్నారు.