పవన్ - త్రివిక్రమ్ మూవీ లేటెస్ట్ అప్ డేట్..!
- IndiaGlitz, [Tuesday,January 17 2017]
పవర్ స్టార్ పవన్ క‌ళ్యాణ్ - మాట‌ల మాంత్రికుడు త్రివిక్రమ్ శ్రీనివాస్ ద‌ర్శ‌క‌త్వంలో ఓ చిత్రం రూపొందుతున్న విషయం తెలిసిందే. ఈ భారీ చిత్రాన్ని హారిక & హాసిని క్రియేష‌న్స్ బ్యానర్ పై రాధాకృష్ణ నిర్మిస్తున్నారు.
ఈ చిత్రాన్ని పూజా కార్య‌క్ర‌మాల‌తో ప్రారంభించిన రోజున రెగ్యుల‌ర్ షూటింగ్ ను డిసెంబ‌ర్ నుంచి ప్రారంభించ‌నున్న‌ట్టు తెలియ‌చేసారు. ఆత‌ర్వాత డిసెంబ‌ర్ నుంచి కాదు జ‌న‌వ‌రి నుంచి రెగ్యుల‌ర్ షూటింగ్ ప్రారంభించ‌నున్నారు అని చెప్పారు. లేటెస్ట్ న్యూస్ ఏమిటంటే...పవన్ క‌ళ్యాణ్ న‌టిస్తున్న తాజా చిత్రం కాట‌మ‌రాయుడు షూటింగ్ ఫిబ్ర‌వ‌రికి పూర్త‌వుతుంది. అందుచేత మార్చి నుంచి త్రివిక్రమ్ తో చేయ‌నున్న చిత్రం షూటింగ్ ప్రారంభించేందుకు ప్లాన్ చేస్తున్నారు అని స‌మాచారం. చాలా ఫాస్ట్ గా షూటింగ్ పూర్తి చేసి సెప్టెంబ‌ర్ లో ఈ చిత్రాన్ని రిలీజ్ చేయాలి అనుకుంటున్నార‌ని తెలిసింది.