అక్కినేని వంశం మూడోత‌రం నుంచి వ‌స్తున్న మ‌రో యువ క‌ధానాయ‌కుడు అఖిల్ అక్కినేని. సెన్సేష‌న‌ల్ డైరెక్ట‌ర్ వి.వి.వినాయ‌క్ ద‌ర్శ‌క‌త్వంలో అఖిల్ ను హీరోగా ప‌రిచ‌యం చేస్తూ నితిన్ అఖిల్ చిత్రాన్ని నిర్మిస్తున్న విష‌యం తెలిసిందే. అక్కినేని జ‌యంతి నాడు ఈ నెల 20న అఖిల్ ఆడియోను ఘ‌నంగా రిలీజ్ చేయ‌డానికి ఏర్పాట్లు జ‌రుగుతున్నాయి. అయితే అఖిల్ ఆడియో ఆవిష్క‌ర‌ణోత్స‌వం కు ముఖ్య అతిధిగా ప‌వ‌ర్ స్టార్ ప‌వ‌న్ క‌ళ్యాణ్ హాజ‌రుకానున్న‌ట్టు స‌మాచారం.

గ‌త కొన్ని రోజులుగా అఖిల్ ఆడియో వేడుక‌కు ప‌వ‌న్ ముఖ్య అతిధి అంటూ ప్ర‌చారం జ‌రిగింది. ఆత‌ర్వాత ప‌వ‌న్ బిజీగా ఉండ‌డం వ‌ల‌న అఖిల్ ఆడియోకు రావ‌డం లేదంటూ మ‌రో వార్త ప్ర‌చారంలోకి వ‌చ్చింది. ఫైన‌ల్ గా మాకు అందిన స‌మాచారం ప్ర‌కారం ప‌వ‌న్ అఖిల్ ఆడియో వేడుక‌కు ముఖ్య అతిధిగా హాజ‌ర‌వుతున్నాడ‌ట‌. నితిన్ కి నిర్మాత‌గా తొలి చిత్రం కావ‌డం, అలాగే అఖిల్ తొలి చిత్రం కావ‌డం...నాగార్జున కూడా స్వ‌యంగా ప‌వ‌న్ ని ఆహ్వానించ‌డంతో ప‌వ‌న్ ఓకె అన్నాడ‌ట‌. అది సంగ‌తి.