పవర్ స్టార్ పవన్ కల్యాణ్ ప్రధాన పాత్రలో క్రిష్‌ దర్శకత్వంలో ఓ చిత్రం రూపొందుతోన్న సంగతి తెలిసిందే. ఈ సినిమాలో పవన్ లుక్ సరికొత్తగా ఉంటుందని సమాచారం. ఈ సినిమాలో సెట్లు కళ్లు చెదిరేలా ఉండబోతున్నాయని సమాచారం. మొత్తమ్మీద ఈ చిత్రం ‘మొఘల్‌ ఎ ఆజమ్‌’ తరహాలో ఉండబోతోందని తెలుస్తోంది. ఈ సినిమా శరవేగంగా షూటింగ్ జరుపుకుంటోంది. ఇప్పటికే రెండు షెడ్యూళ్లు పూర్తి చేసుకున్న ఈ సినిమా మూడవ షెడ్యూల్‌కు సిద్ధమవుతోంది. ఈ షెడ్యూల్ ఈ నెల 25 నుంచి హైదరాబాద్‌లో ప్రారంభం కానుందని సమాచారం.

ఈ సినిమాలో పవన్ సరసన నిధి అగర్వాల్ హీరోయిన్‌గా నటిస్తోంది. ఇప్పటికే వీరిద్దరిపై ఒక పాట సహా పలు కీలక సన్నివేశాలను తెరకెక్కించినట్టు సమాచారం. అలాగే ఈ సినిమాలో బాలీవుడ్‌ భామ జాక్వలిన్‌ ఫెర్నాండేజ్‌ కీలక పాత్రలో కనిపించనుంది. శ్రీసూర్య మూవీస్‌ అధినేత ఎ.యం రత్నం ఈ చిత్రాన్ని నిర్మిస్తున్నారు. ఈ సినిమా కోసం ఏఎమ్ రత్నం 150 కోట్ల రూపాయలు కేటాయించినట్టు తెలుస్తోంది. ఈ సినిమా పవన్ కెరీర్‌లోనే భారీ బడ్జెట్ చిత్రమని తెలుస్తోంది. ఈ చిత్రానికి టైటిల్ కూడా ఖరారైనట్టు తెలుస్తోంది. ఈ చిత్రానికి ‘హరిహర వీరమల్లు’ టైటిల్‌ను ఫిక్స్ చేసినట్టు సమాచారం.

తాజాగా ఈ సినిమాకు సంబంధించిన అప్‌డేట్ ఒకటి సోషల్ మీడియాలో హల్‌చల్ చేస్తోంది. జూన్‌ లేదా జూలై నాటికి ఈ సినిమా చిత్రీకరణ పూర్తయ్యే అవకాశాలు ఉన్నట్టు తెలుస్తోంది. తర్వాత మూడు, నాలుగు నెలలు పోస్ట్‌ ప్రొడక్షన్‌ పనులకు కేటాయించి... ఈ ఏడాది ఆఖరులో లేదా వచ్చే ఏడాది సంక్రాంతికి సినిమాను విడుదల చేయాలనుకుంటున్నారని సమాచారం. అయితే పవన్ సంక్రాంతినే ఎక్కువగా టార్గెట్ చేసే అవకాశాలు కనిపిస్తున్నాయి. అధికారిక ప్రకటన వస్తే కానీ దీనిపై క్లారిటీ వచ్చే అవకాశం లేదు. ఈ సినిమాలో పవన్ వజ్రాల దొంగగా కనిపించనుండటంతో పాటు ఇది ఒక పిరియాడికల్ మూవీ అవడంతో సినిమాపై అంచనాలు భారీగానే ఉన్నాయి.