పవన్ సరసన శృతి హాసన్..
- IndiaGlitz, [Saturday,May 14 2016]
ప‌వ‌ర్ స్టార్ పవన్ క‌ళ్యాణ్ హీరోగా ఎస్.జె.సూర్య ద‌ర్శ‌కత్వంలో ఓ చిత్రం రూపొందుతున్న విష‌యం తెలిసిందే. ఈ చిత్రాన్ని శ‌ర‌త్ మ‌రార్ నిర్మిస్తున్నారు. ఫాక్ష‌న్ లీడ‌ర్ ల‌వ్ స్టోరీగా రూపొందుతున్న ఈ చిత్రంలో పవన్ క‌ళ్యాణ్ సరసన శృతిహాస‌న్ న‌టిస్తున్న‌ట్టు అధికారికంగా ప్ర‌క‌టించారు. ఈ చిత్రానికి ఆకుల శివ క‌థ - మాట‌లు అందిస్తుండ‌గా, అనూప్ రూబెన్స్ మ్యూజిక్ అందిస్తున్నారు. ఇటీవ‌ల ప్రారంభించిన ఈ చిత్రం రెగ్యుల‌ర్ షూటింగ్ ను జూన్ నుంచి ప్రారంభించ‌నున్నారు. పవన్ - శృతి క‌ల‌సి గ‌బ్బ‌ర్ సింగ్ సినిమాలో న‌టించారు. ఈ సినిమా ఎంత‌టి సెన్సేష‌న్ క్రియేట్ చేసిందో అంద‌రికీ తెలిసిందే. మ‌రి...రెండోసారి జ‌త క‌డుతున్న పవన్ - శృతి జంట ఈసారి కూడా సెన్సేష‌న్ క్రియేట్ చేస్తుంద‌ని ఆశిద్దాం.