పవన్ కి సెకండ్.. బన్నీకి ఫస్ట్..
- IndiaGlitz, [Wednesday,August 16 2017]
ఒకే స‌మ‌యంలో ఇద్ద‌రు మెగా ఫ్యామిలీ హీరోల‌తో సినిమాలు చేసే అవ‌కాశాన్ని ప‌ట్టేసిందో ముద్దుగుమ్మ. ఓ సినిమాలో సెకండ్ హీరోయిన్‌గా న‌టిస్తుంటే.. మ‌రో సినిమాలో మెయిన్ హీరోయిన్‌గా న‌టిస్తూ వార్త‌ల్లో నిలుస్తోంది. ఇంత‌కీ ఆ హీరోయిన్ ఎవ‌రంటే.. అను ఇమ్మానియేల్. నాని న‌టించిన హిట్ చిత్రం 'మ‌జ్ను'లో కిర‌ణ్ గా సంద‌డి చేసి యువ‌తరాన్ని క‌ట్టిప‌డేసిన అను.. ఆ తరువాత రాజ్ త‌రుణ్ 'కిట్టు ఉన్నాడు జాగ్ర‌త్త'తో మ‌రో విజ‌యాన్ని త‌న ఖాతాలో వేసుకుంది. ఇప్పుడు ఏకంగా మెగా హీరోల‌తో జోడీ క‌ట్టే ఆఫ‌ర్లు పొంది టాక్ ఆఫ్ టాలీవుడ్ అయింది.
త్రివిక్ర‌మ్ దర్శకత్వంలో పవన్ క‌ళ్యాణ్ నటిస్తున్న తాజా చిత్రంలో కీర్తి సురేష్ మెయిన్ హీరోయిన్‌గా న‌టిస్తుండ‌గా.. అను ఇమ్మానియేల్ సెకండ్ హీరోయిన్‌గా న‌టిస్తోంది. ఇక అల్లు అర్జున్ కొత్త చిత్రం 'నా పేరు సూర్య'లో మెయిన్ హీరోయిన్‌గా న‌టిస్తోంది. ఈ రెండు చిత్రాలు వ‌చ్చే ఏడాది ప్ర‌థ‌మార్థంలో సంద‌డి చేయ‌నున్నాయి.