2019 ఎన్నిక‌ల కోసం జ‌న‌సేన అధ్య‌క్షుడు ప‌వ‌ర్‌స్టార్ ప‌వ‌న్‌క‌ళ్యాణ్ సినిమాల‌తో పాటు, పార్టీ బ‌లోపేతానికి కూడా త‌న వంతుగా కృషి చేస్తున్నారు. వీలునప్పుడ‌ల్లా ప్ర‌త్యేక స‌మావేశాలు నిర్వ‌హిస్తున్నారు. జ‌న‌సేన సైనికుల కోసం వివిధ జిల్లాల్లో నోటిఫికేష‌న్స్ ఇస్తున్నారు. అభ్య‌ర్థుల‌ను ఎంపిక చేసుకుంటున్నారు. పూర్తిస్థాయి రాజ‌కీయాల కోసం పార్టీని స‌మాయ‌త్తం చేస్తున్నారు.

తాజాగా అనంతపురం జ‌న‌సేన కార్య‌క‌ర్త‌ల‌తో ప‌వ‌న్ బేటీ అయ్యారు. అనంత‌పురం జిల్లాలో ప్ర‌జ‌ల స‌మ‌స్య‌లు తెలుసుకోవ‌డానికి పాద‌యాత్ర చేస్తాన‌ని ప‌వ‌న్ తెలిపారు. అవ‌స‌ర‌మైతే తాను రాజ‌కీయాల కోసం సినిమాల‌ను విడిచి పెట్టేస్తాన‌ని అన్నారు. ప్ర‌జ‌ల స‌మ‌స్య‌ల కోసం తుదిశ్వాస వ‌ర‌కు పోరాడతాన‌ని అన్న ప‌వ‌న్ అస‌లు త‌న‌ను పూర్తిస్థాయి రాజ‌కీయ నాయ‌కుడు కాద‌ని కొంద‌రు అంటున్నారని, అస‌లు పూర్తిస్థాయి రాజ‌కీయ నాయ‌కులు ఎవరున్నారు. రాజ‌కీయాల్లోకి వ‌చ్చి కోట్లు సంపాదించుకుంటున్నారని ఆరోపించారు.