జగన్ అంటే వ్యక్తిగతంగా కోపాల్లేవ్..: పవన్
- IndiaGlitz, [Tuesday,April 09 2019]
వైసీపీ అధినేత వైఎస్ జగన్ మోహన్ రెడ్డి అంటే తనకు వ్యక్తిగతంగా కోపాల్లేవ్.. కక్షల్లేవ్ అని జనసేన అధినేత పవన్ కల్యాణ్ చెప్పుకొచ్చారు. ఎన్నికల ప్రచారం చివరి రోజున భీమవరం బహిరంగ సభలో జనసేనాని మాట్లాడుతూ..నాకు జ‌గ‌న్మోహ‌న్‌రెడ్డి మీద వ్యక్తిగ‌త కోపాలు.. క‌క్షలు లేవు. ఆయన అనుస‌రిస్తున్న విధానానికే వ్యతిరేకిని.
నేను రాజ‌కీయాల్లోకి రాక ముందు 2006లో అన్నవ‌రం షూటింగ్‌లో ఓ వ్యక్తి నా గ‌దిలోకి దూసుకువ‌చ్చి సినిమా చేయాలి అని అడిగిన‌ప్పుడు. ఇన్ని ల‌క్షల మంది అభిమానం చూరగొన్న నా ప‌రిస్థితే ఇలా వుంటే సామాన్యుల ప‌రిస్థితి ఏంటి అన్న ఆలోచ‌న క‌లిగింది. మీకు రాజ‌కీయ నేప‌ధ్యం ఉండొచ్చు. మీరు ఏ ప‌ద‌విలో అయినా ఉండొచ్చు. అయితే మీ జులుం బ‌య‌టికి తీసుకురావ‌ద్దు. ఇంద్ర సినిమాలో చెప్పిన విధంగా పీక‌లు అయితే కోయ‌లేంగానీ, నిజ జీవితంలో ఓటు అనే ఆయుధంతో త‌రిమేస్తాం. మీలో ధైర్యం ఉంటే ఎవ్వరూ భ‌య‌పెట్టలేరు అని పవన్ సినిమా డైలాగులు కురిపించారు.