స‌ర్ధార్ లో..చిరు సాంగ్ కి పవన్ స్టెప్స్
- IndiaGlitz, [Friday,March 04 2016]
ప‌వ‌ర్ స్టార్ పవన్ క‌ళ్యాణ్ న‌టిస్తున్న‌స‌ర్ధార్ గ‌బ్బ‌ర్ సింగ్ శ‌ర‌వేగంగా షూటింగ్ జ‌రుపుకుంటుంది. పవన్ - కాజల్ జంటగా న‌టిస్తున్న ఈ చిత్రాన్ని బాబీ తెర‌కెక్కిస్తున్నారు. యువ సంగీత సంచ‌ల‌నం దేవిశ్రీప్ర‌సాద్ సంగీతాన్ని అందిస్తున్నారు. ఇక అస‌లు విష‌యానికి వ‌స్తే...ఈ చిత్రంలో చిరు పాట‌కు పవన్ స్టెప్స్ వేస్తుండ‌డం విశేషం.
ఇంత‌కీ పవన్ చిరు న‌టించి ఏ పాట‌కు స్టెప్స్ వేస్తున్నాడు అంటారా..? కొండ‌వీటి రాజా చిత్రంలో నా కోక బాగుందా అనే పాట‌ను స‌ర్ధార్ కోసం రీమిక్స్ చేస్తున్నార‌ని స‌మాచారం. ఈ పాట‌ను పవన్ క‌ళ్యాణ్ - ల‌క్ష్మీరాయ్ ల‌పై చిత్రీక‌రించ‌నున్నారు. ప‌స్ట్ టైం పవన్ చిరు పాట‌ను రీమిక్స్ చేస్తుండ‌డం విశేషం. అందుకే అనుకుంట స‌ర్ధార్ సెట్స్ కి చిరు వెళ్లి సంద‌డి చేసారు. స‌ర్ధార్ ఆడియోకి కూడా చిరు చీఫ్ గెస్ట్ గా హాజ‌రు కానున్నార‌ని స‌మాచారం. ఈనెల 20న ఆడియోను, ఏప్రిల్ 8న సినిమాను రిలీజ్ చేయ‌నున్నారు.