ప‌వ‌ర్ స్టార్ ప‌వ‌న్ క‌ళ్యాణ్ న‌టించిన స‌ర్ధార్ గ‌బ్బ‌ర్ సింగ్ ఈనెల 8న ప్ర‌పంచ వ్యాప్తంగా రిలీజ్ అవుతుండ‌డంతో ప‌వ‌న్ ఫ్యాన్స్ ఎవ‌రి ప్లాన్స్ లో వాళ్లు ఉన్నారు. అయితే స‌క‌ల క‌ళ‌ల‌కు నిల‌యం...గోదావ‌రి తీరం..అదే రాజ‌మ‌హేంద్ర‌వ‌రం. అందుక‌నే అనుకుంట రాజ‌మండ్రి ప‌వ‌న్ క‌ళ్యాణ్ అభిమానులు ఈరోజు నుంచే సంద‌డి ప్రారంభించి న‌గ‌ర వాసుల‌కు కొత్త అనుభూతిని అందిస్తున్నారు.

అంద‌రిలా కాకుండా కొత్త‌గా ఆలోచించి ఈరోజు నుంచి ఫ్లాష్ మాబ్ కార్య‌క్ర‌మాలు చేస్తున్నారు. ఇంత‌కీ ఫ్లాష్ మాబ్ అంటే ఏమిటి అంటారా..? బాగా జ‌నాలు ఉన్న ప్రాంతానికి వెళ్లి ఒక బృందం మ్యూజిక్ స్టార్ట్ చేసి ఒక్క‌సారి డాన్స్ చేయ‌డమే ఫ్లాష్ మాబ్. ఇలాంటి కార్య‌క్ర‌మాలు విదేశాల్లో జ‌రుగుతుంటాయి. కానీ..రాజ‌మండ్రి న‌గ‌రంలో ఇలాంటి కార్య‌క్ర‌మం అంటే కాస్త కొత్త‌గానే ఉంటుంది. ఈరోజు నుంచి స‌ర్ధార్ రిలీజ్ వ‌ర‌కు రాజ‌మండ్రిలో ఈ ఫ్లాష్ మాబ్ కార్య‌క్ర‌మాలు ప్లాన్ చేసార‌ట ప‌వ‌న్ ఫ్యాన్స్.