సర్దార్ మూవీ లీక్డ్...?
- IndiaGlitz, [Thursday,April 07 2016]
పవర్ స్టార్ పవన్ కల్యాణ్ అభిమానులకు షాకింగ్ న్యూస్ అని చెప్పాలి. రేపు సర్దార్ గబ్బర్ సింగ్' విడుదలవుతున్న నేపథ్యంలో ఆ సినిమాకు సంబంధించిన నకిలీ సీడీలు మార్కెట్లోకి విడుదలయ్యాయని వార్తలు వినపడుతున్నాయి. కడప జిల్లా పొద్దుటూరులో ఈ సినిమాకు సంబంధించిన సీడీలను విక్రయిస్తున్నారని పోలీసులకు సమాచారం అందడంతో వారు పలు సీడీ షాప్ లపై రైడింగ్ నిర్వహించారు.
ఇద్దరు అనుమానితులను కూడా అరెస్టు చేశారట. అయితే సినిమాకు సంబంధించిన సీడీలను స్వాధీనం చేసుకోలేదని సమాచారం. ఇండస్ట్రీని పట్టి పీడిస్తున్న పైరసీ భూతం పెద్ద సినిమాలను కూడా వదలడం లేదు. దీని వల్ల నిర్మాతలు నష్టాలను భరిస్తున్నా పైరసీపై కఠిన చర్యలను ఎవరూ తీసుకోలేకపోతున్నారు.