ప్ర‌త్యేక హోదా కోసం ప‌వ‌న్ క‌ళ్యాణ్ యువ‌త‌కు పిలుపు ఇవ్వ‌టం...నిన్న ఆంధ్ర‌ప్ర‌దేశ్ యువ‌త వైజాగ్ ఆర్కే బీచ్ కు చేరుకోవ‌డం, పోలీసులు అడ్డుకోవ‌డం తెలిసిందే. ఈ సంఘ‌ట‌న‌ల పై సంచ‌ల‌న ద‌ర్శ‌కుడు రామ్ గోపాల్ వ‌ర్మ ట్వీట్ చేసారు. ఇందులో ప‌వ‌న్ క‌ళ్యాణ్ ఆంధ్ర‌ప్ర‌దేశ్ రాష్ట్రం గురించి బాధ్య‌తగా వ్య‌వ‌హ‌రిస్తున్నారు అంటూనే ప‌వ‌న్ ఎందుకు వైజాగ్ కి వెళ్ల‌లేదు అని ప్ర‌శ్నించాడు. ఇదిలా ఉంటే...వ‌ర్మ ట్వీట్స్ గురించి ప‌వ‌న్ క‌ళ్యాణ్ ఈరోజు ఏర్పాటు చేసిన మీడియా మీట్ లో స్పందిస్తూ....వ‌ర్మ‌కు ఓ 50 ఏళ్లు ఉంటాయి అనుకుంటాను. పెళ్లైన కూతురు కూడా ఉంది ఆయ‌న‌కు. కానీ ఆయ‌న ఉద‌యం లేవ‌గానే పోర్న్ సినిమాలు చూస్తాను అని చెబుతుంటాడు. అలాంటి వాళ్ల‌కు స‌మాధానం చెప్ప‌లేను అని స్పందించారు.