కొన్ని కొన్ని క్రేజీ కాంబినేష‌న్స్ అనౌన్స్‌మెంట్ ముందు నుండే  భారీ అంచ‌నాలను ఏర్ప‌రుచుకుంటాయి. అలాంటి ఓ క్రేజీ కాంబినేష‌న్‌లో సినిమా రానుంద‌ని వార్త‌లు విన‌పడుతున్నాయి. ఇదొక భారీ మ‌ల్టీస్టార‌ర్ . సినీ వ‌ర్గాల స‌మాచారం మేర‌కు ప‌వ‌ర్‌స్టార్ ప‌వ‌న్‌క‌ల్యాణ్‌, మాస్ మ‌హారాజా ర‌వితేజ కాంబినేష‌న్‌లో ఈ మ‌ల్టీస్టార‌ర్ రూపొంద‌నుంద‌ట‌. డైరెక్ట‌ర్ బాబీ ఈ సినిమాను తెర‌కెక్కించుంద‌ని కూడా సోష‌ల్ మీడియాలో న్యూస్ చ‌క్క‌ర్లు కొడుతుంది.

ప‌వ‌న్‌క‌ల్యాణ్ సినిమాల్లో రీ ఎంట్రీ ఇచ్చిన త‌ర్వాత రెండు సినిమాలు చేస్తున్నారు. అందులో ఒక‌టి వ‌కీల్ సాబ్‌. మ‌రో సినిమాను క్రిష్ ద‌ర్శ‌క‌త్వంలో చేస్తున్నాడు. ఈ రెండు సినిమాలు త‌ర్వాత హ‌రీశ్ శంక‌ర్ ద‌ర్శ‌క‌త్వంలో ప‌వ‌న్ ఓ సినిమాను చేస్తున్నారు. కాగా మ‌రో సినిమాగా ఈ మ‌ల్టీస్టార‌ర్‌ను తెర‌కెక్కించే ప్ర‌య‌త్నాలు జ‌రుగుతున్నాయ‌ట‌. ఇప్పటికే ప‌వ‌న్‌తో డైరెక్ట‌ర్ బాబీ స‌ర్దార్ గబ్బ‌ర్ సింగ్‌ను ..ర‌వితేజ‌తో ప‌వ‌ర్ సినిమాను తెర‌కెక్కించాడు. అంతా ఓకే అయితే ఈ వీరిద్ద‌రి కాంబినేష‌న్‌ను బాబీ డైరెక్ట్ చేయ‌నున్నాడు. మ‌రి ఈ క్రేజీ కాంబినేష‌న్ కుదిరేనా?  తెలియాలంటే కొన్ని రోజులు ఆగాల్సిందే.