జనసేన అధినేత పవన్ కళ్యాణ్ విశాఖ జిల్లా గాజువాక, పశ్చిమగోదావరి జిల్లా భీమవరంలో రెండు చోట్ల పోటీ చేస్తున్న సంగతి తెలిసిందే. ఈ రెండు నియోజకవర్గాలకు గాను పవన్ వరుసగా గురువారం, శుక్రవారం రోజున నామినేషన్ దాఖలు చేశారు. ఈ సందర్భంగా పవన్ తన పేరిట ఉన్న ఆస్తులు, అప్పుల వివరాలకు సంబంధించిన అఫిడవిట్‌ను రిటర్నింగ్ అధికారులకు అందజేశారు.

ఆస్తుల చిట్టా..

పవన్ పేరిట రూ.12.79 కోట్ల విలువైన చరాస్థులు.. రూ.40 కోట్ల విలువైన స్థిరాస్తులు ఉన్నాయని పవన్ కల్యాణ్ తన అఫిడవిట్‌లో స్పష్టం చేశారు. కోటి రూపాయల ఖరీదైన వోల్వో ఎక్స్‌సీ 90, 72లక్షల విలువైన మెర్సెడ్స్ బెంజ్ ఆర్ కారు, టయోటా ఫార్చునర్, స్కోడా ర్యాపిడ్, మహీంద్ర స్కార్పియో కార్లు, 32లక్షల ఖరీదైన హార్లీడేవిడ్‌సన్ హెరిటేజ్ సాఫ్టైల్ బైక్ ఉన్నట్లు పవన్ తన ఆస్తుల చిట్టాలో తెలిపారు.

అప్పులు

మొత్తం: రూ.32.40 కోట్లు
డైరెక్టర్ త్రివిక్రమ్ శ్రీనివాస్ దగ్గర తీసుకున్న డబ్బులు: రూ.2.40 కోట్లు
హారిక అండ్ హాసినీ క్రియేషన్స్ దగ్గర తీసుకున్న డబ్బులు: రూ. 1.25 కోట్లు
వదిన సురేఖ దగ్గర అప్పుగా తీసుకున్న డబ్బులు : రూ.1.07 లక్షలు
ఎం.ప్రవీణ్ కుమార్‌కు ఇవ్వాల్సిన డబ్బులు : రూ.3 కోట్లు
ఎంవీఆర్ఎస్ ప్రసాద్‌కు ఇవ్వాల్సిన డబ్బులు: రూ.2 కోట్లు
శ్రీ బాలాజీ సినీ మీడియాకు ఇవ్వాల్సిన డబ్బులు: రూ.2 కోట్లు
శ్రీ వెంకటేశ్వర సినీ చిత్రాలయకు ఇవ్వాల్సిన డబ్బులు : రూ.27.55 లక్షలు.