'దంగల్ ' కు పవన్ కల్యాణ్ ప్రశంసలు...
- IndiaGlitz, [Sunday,January 01 2017]
బాలీవుడ్ సూపర్స్టార్ అమీర్ఖాన్ నటించిన దంగల్ వరల్డ్వైడ్ కలెక్షన్స్ సునామీని క్రియేట్ చేస్తున్న సంగతి తెలిసిందే. సినిమాను చూసిన వారందరూ సినిమా చాలా బావుందని అప్రిసియేట్ చేస్తున్నారు. ఇప్పుడా వరుసలో పవర్స్టార్ పవన్కల్యాణ్ కూడా చేరాడు. రీసెంట్గా సినిమా చూసిన పవన్ కల్యాణ్ తన ట్విట్టర్ అకౌంట్ ద్వారా సినిమాపై తన అభిప్రాయాన్ని తెలియపరిచాడు. అమీర్ఖాన్ తనదైన నటనతో ఎంతో మంది ప్రేక్షకుల మనసులను గెలుచుకున్నారు.
అమీర్ వంటి గొప్ప నటుడు మన భారతీయుడు కావడం మనకు గర్వకారణం. దర్శకుడు నితీష్ ప్రేక్షకులను కథలో లీనమయ్యేలా చేయడంలో సక్సెస్ అయ్యారు. అమీర్ ఖాన్తో పాటు గీతా పొగట్ పాత్రలో నటించిన జైరా వసీం, ఫాతిమా సనా షేక్, బబితా ఫొగట్ గా నటించిన సుహానీ భట్నాగర్, సన్యా మల్హోత్రాలు ఎంతో అద్బుతంగా నటించారు. వారికి నా అభినందనలు స్త్రీ సాధికారతను తెలియజేసే చిత్రమిదని తెలిపారు.