పవన్ రీమేక్ కన్ ఫర్మ్ అయినట్టే
- IndiaGlitz, [Wednesday,November 29 2017]
తెలుగులో రీమేక్ కథలంటే ఇష్టపడే హీరోల్లో పవర్ స్టార్ పవన్ కళ్యాణ్ ఒకరు. ఈయన కెరీర్లో చేసిన రీమేక్ సినిమాల‌న్నీ దాదాపు హిట్ అనే చెప్పాలి.
తమిళంలో అజిత్ కి ఘ‌న‌విజ‌యాన్ని అందించిన వేదాళం' సినిమాని.. పవన్ రీమేక్ చేయ‌బోతున్నారంటూ ఆ మ‌ధ్య వార్త‌లు వినిపించాయి. అయితే త్రివిక్రమ్ శ్రీనివాస్ అజ్ఞాతవాసి' సినిమా కారణంగా ఆ రీమేక్ పట్టాలెక్కలేదు. ఇప్పుడు అజ్ఞాతవాసి' మూవీ తుది ద‌శ‌కు చేరుకోవ‌డంతో.. మళ్ళీ వేదాళం' రీమేక్ ఓ హాట్ టాపిక్ అయింది.
తాజా సమాచారం ప్రకారం.. ముందనుకున్నట్టుగానే ఎ.ఎం.రత్నం ఈ సినిమాని నిర్మించనున్నారు. తాజాగా..ఎ.ఎం.రత్నం తనయుడు జ్యోతికృష్ణ స్వయంగా ఈ విషయం వెల్లడించారు. ఇప్పటికే ప్రీ-ప్రొడక్షన్ పనులను పూర్తిచేసుకున్న ఈ సినిమా జనవరి 2018 నుంచి రెగ్యులర్ షూటింగ్ జరుపుకోనుంది. ఆర్.టి.నేసన్ ఈ మూవీకి దర్శకత్వం వహించనున్నారు. త్వ‌ర‌లోనే దీనికి సంబంధించిన పూర్తి వివ‌రాలు తెలుస్తాయి.
ఇదిలా ఉంటే.. గోపీచంద్ హీరోగా జ్యోతికృష్ణ డైరెక్ట్ చేసిన ఆక్సిజన్' సినిమా రేపు విడుదల కానుంది.