ప‌వ‌ర్ స్టార్ ప‌వ‌న్ క‌ళ్యాణ్ న‌టించిన స‌ర్ధార్ గ‌బ్బ‌ర్ సింగ్ రిలీజైంది. ఇక ప‌వ‌న్ నెక్ట్ మూవీ ఏమిటి..? ఈసారి ఎలాంటి మూవీ చేయ‌నున్నాడు అని అభిమానులు ఆస‌క్తిగా ఎదురుచూస్తున్న టైంలో త‌న‌ నెక్ట్స్ మూవీ గురించి క్లారిటీ ఇచ్చేసాడు. ఖుషీ, పులి చిత్రాల‌ను తెర‌కెక్కించిన ఎస్.జె.సూర్య ద‌ర్శ‌క‌త్వంలో న‌టించ‌నున్న‌ట్టు ప‌వ‌న్ ప్ర‌క‌టించాడు. అయితే..ఎస్.జె సూర్య తో ప‌వ‌న్ సినిమా అన‌గానే ఖుషీ సీక్వెల్ అంటూ ప్ర‌చారం జ‌రిగింది. కానీ..ఖుషీ సీక్వెల్ కాదు..ఫ్యాక్ష‌న్ ల‌వ్ స్టోరీ అని కూడా ప‌వ‌న్ చెప్పేసాడు.

అయితే ఈ చిత్రానికి సంబంధించిన లేటెస్ట్ న్యూస్ ఏమిటంటే...ఈ చిత్రానికి సంబంధించి ఓ వైపు ప‌వ‌న్ ఫామ్ హౌస్ లో క‌థా చ‌ర్చ‌లు జ‌రుగుతుంటే మ‌రో వైపు ముంబాయిలో మ్యూజిక్ట్ సిట్టింగ్స్ జ‌రుగుతున్నాయి. ఈ చిత్రానికి అనూప్ రూబెన్స్ సంగీతం అందిస్తుండ‌గా..రామ‌జోగ‌య్య శాస్త్రి సాహిత్యం అందిస్తున్నారు. ప‌వ‌న్ - ఎస్.జె.సూర్య కాంబినేష‌న్లో రూపొందే ఈ చిత్రానికి హుషారు అనే టైటిల్ ప‌రిశీలిస్తున్న‌ట్టు ప్ర‌చారం జ‌రుగుతుంది. చాలా ఫాస్ట్ గా ప్రీ ప్రొడ‌క్ష‌న్ వ‌ర్క్ జ‌రుపుకుంటున్న ఈ చిత్రం షూటింగ్ త్వ‌ర‌లో ప్రారంభించ‌డానికి ప్లాన్ చేస్తున్నార‌ని స‌మాచారం.