సంక్రాంతి సంద‌ర్భంగా విడుద‌లైన 'అజ్ఞాత‌వాసి'తో 25 చిత్రాల మైలురాయికి చేరుకున్నారు ప‌వ‌ర్ స్టార్ ప‌వ‌న్ క‌ల్యాణ్‌. అయితే.. బాక్సాఫీస్ వ‌ద్ద ఈ సినిమా ఆశించిన ఫ‌లితం అందుకోలేక‌పోయింది. ఇదిలా ఉంటే.. ఫ‌లితాల‌కి పెద్ద‌గా ప్రాధాన్య‌మివ్వ‌ని ప‌వ‌న్‌.. ప్ర‌స్తుతం త‌న తదుప‌రి చిత్రాలతో బిజీ కానున్నార‌ని టాలీవుడ్ వ‌ర్గాలు పేర్కొంటున్నాయి.

తాజాగా వినిపిస్తున్న క‌థ‌నాల ప్ర‌కారం.. ప‌వ‌న్ తాజా చిత్రానికి 'చ‌రిత్ర' అనే పేరు ఖ‌రారైంద‌ని తెలిసింది. ఎ.ఎం.ర‌త్నం నిర్మిస్తున్న ఈ చిత్రానికి ఆర్‌.టి.నేశ‌న్ ద‌ర్శ‌క‌త్వం వ‌హించనున్నారు. త‌మిళంలో విజ‌యం సాధించిన వేదాళ‌మ్ చిత్రం ఆధారంగా ఈ సినిమా ఉంటుంద‌ని స‌మాచార‌మ్‌. త్వ‌ర‌లోనే ఈ సినిమా ప్రారంభం కానుంద‌ని తెలిసింది.

దీంతో పాటు.. సంతోష్ శ్రీ‌నివాస్ ద‌ర్శ‌క‌త్వంలో కూడా ఓ చిత్రం చేయ‌న‌న్నారు ప‌వ‌న్‌. మైత్రీ మూవీ మేక‌ర్స్ నిర్మిస్తున్న ఈ చిత్రం కూడా ఈ ఏడాదే సెట్స్ పైకి వెళ్ల‌నుంద‌ని తెలిసింది. ఈ రెండు చిత్రాల‌కీ ప‌వ‌న్ భారీ పారితోషికం అందుకుంటున్నార‌ని స‌మాచార‌మ్‌.