ఒక స్టార్ హీరో సినిమాలో మ‌రో స్టార్ హీరో మేన‌రిజం ఉంటే..? అది కూడా ఒకే ఫ్యామిలీ కాని స్టార్ హీరోల విష‌యంలో.. ఈ ఆలోచ‌న‌కు ఓ రూప‌మిచ్చినట్టుంది జైల‌వ‌కుశ‌లో ఓ పాట టీజ‌ర్ చూస్తుంటే. యంగ్ టైగ‌ర్‌ ఎన్టీఆర్ త్రిపాత్రాభిన‌యం చేస్తున్న ఈ సినిమాలో జై పాత్ర స‌ర‌స‌న కేర‌ళ కుట్టి నివేదా థామ‌స్ హీరోయిన్ గా న‌టిస్తున్న సంగ‌తి తెలిసిందే.

జై పై చిత్రీక‌రించిన నీ క‌ళ్ల‌లోన కాటుక ఓ న‌ల్ల మ‌బ్బు కాదా అనే పాట టీజ‌ర్‌ని అబ్జ‌ర్వ్ చేస్తే.. ఓ షాట్‌లో తార‌క్‌, నివేదా న‌డుచుకుంటూ వ‌స్తుంటారు. అక్క‌డ నివేదా త‌న కుడిచేతిని ఎడ‌మ మెడ‌ని రుద్దుతున్న‌ట్లుగా చూపిస్తారు. ఇలాంటి మేన‌రిజం చెప్ప‌గానే మ‌న‌కు ప‌వ‌ర్ స్టార్ ప‌వ‌న్ క‌ళ్యాణ్‌నే గుర్తుకువ‌స్తారు.

మ‌రి సినిమాలో నివేదా.. ప‌వ‌న్ ఫ్యాన్ నా? లేదంటే డైరెక్ట‌ర్ బాబీ త‌న‌కు ప‌వ‌న్ మీదున్న అభిమానాన్ని ఇలా చూపుతున్నారా? లేక యాదృచ్ఛికంగా ఆ షాట్ తీయ‌డం జ‌రిగిందా? ఏమో.. ఈ విష‌యం తెలుసుకోవాలంటే సినిమా అయినా చూడాలి. లేదంటే ఈ లోపు ఏదో ఒక ఇంట‌ర్వ్యూలో డైరెక్ట‌ర్ బాబీ నుంచైనా దానికి స‌మాధానం రావాలి. అందాకా ఇది ఆస‌క్తిక‌ర‌మైన విష‌య‌మే.