నెక్ట్స్ ప్రాజెక్ట్స్ గురించి పవన్ మాట..
- IndiaGlitz, [Saturday,March 19 2016]
ప‌వ‌ర్ స్టార్ పవన్ కళ్యాణ్ న‌టించిన స‌ర్ధార్ గబ్బర్ సింగ్ ఆడియో ఫంక్ష‌న్ కి అన్ని ఏర్పాట్లు పూర్తయ్యాయి. రేపు స‌ర్ధార్ గబ్బర్ సింగ్ ఆడియో రిలీజ్. ఏప్రిల్ 8 స‌ర్ధార్ సినిమా రిలీజ్. అయితే స‌ర్ధార్ సినిమా త‌ర్వాత పవన్ తో సినిమా చేస్తున్నాన‌ని దాస‌రి ప్ర‌క‌టించారు. మ‌రో వైపు పవన్ తో ఖుషీ సీక్వెల్ చేస్తున్నాన‌ని ఎస్.జె.సూర్య ప్ర‌క‌టించారు. దీంతో స‌ర్ధార్ సినిమా త‌ర్వాత పవన్ చేయ‌బోయే సినిమా ఏమిట‌నేది ఆస‌క్తిగా మారింది.
ఇదే విషయం గురించి ప‌వ‌ర్ స్టార్ పవన్ కళ్యాణ్ ని అడిగితే...ఎస్.జె.సూర్య‌తో ఖుషీ సీక్వెల్ చేస్తున్న‌ట్టు ప్ర‌క‌టించారు. మ‌రి దాస‌రి మీతో చేయాల‌నుకున్న సినిమా మాట ఏమిట‌ని అడిగితే...క‌థ కుదిరితే దాస‌రి తో సినిమా చేస్తాన‌న్నారు. అంటే దాస‌రి పవన్ తో సినిమా చేయాల‌నుకున్నారు కానీ...ఇప్ప‌టి వ‌ర‌కు క‌థ కుద‌ర‌లేద‌న్న విష‌యాన్ని పవన్ తెలియ‌చేసారు. అదీ సంగ‌తి.