ప‌వ‌ర్ స్టార్ ప‌వ‌న్ క‌ళ్యాణ్ - ఎస్.జె.సూర్య కాంబినేష‌న్లో రూపొందిన సంచ‌ల‌న చిత్రం ఖుషీ. ఈ చిత్రం యూత్ లో ప‌వ‌న్ కి మ‌రింత క్రేజ్ తీసుకువ‌చ్చింది. ఈ సినిమా త‌ర్వాత ఎస్.జె.సూర్య‌, ప‌వ‌న్ క‌ళ్యాణ్ క‌ల‌సి పులి సినిమా చేసారు. కానీ..ఈ సినిమా అంత‌గా ఆక‌ట్టుకోలేక‌పోయింది. ఆత‌ర్వాత మ‌ళ్లీ ప‌వ‌న్ - సూర్య క‌ల‌సి సినిమా చేయ‌నున్నార‌నే వార్త‌లు గ‌త కొన్నిరోజులుగా వ‌స్తున్నాయి.

అయితే స‌ర్ధార్ త‌ర్వాత ప‌వ‌న్ తో సినిమా చేస్తున్నాని దాస‌రి గ‌తంలో ప్ర‌క‌టించారు. ఈ క్రేజీ ప్రాజెక్ట్ కి ద‌ర్శ‌కుడు ఎవ‌రనే విష‌యం పై క్లారిటీ రాలేదు. ఓ వైపు దాస‌రి ప‌వ‌న్ తో సినిమా చేస్తున్న‌ట్టు ప్ర‌క‌టించ‌డం...మ‌రో వైపు ఎస్.జె.సూర్య కూడా ప‌వ‌న్ నెక్ట్స్ మూవీని నేనే చేస్తున్నాన‌ని ప్ర‌క‌టించ‌డంతో స‌ర్ధార్ సినిమా త‌ర్వాత ప‌వ‌న్ ఎవ‌రితో సినిమా చేస్తాడ‌నేది ఆస‌క్తిగా మారింది.

ఇదిలా ఉంటే...ప‌వ‌ర్ స్టార్ ప‌వ‌న్ క‌ళ్యాణ్ తో తెర‌కెక్కించ‌నున్న సినిమా కోసం ఎస్.జె.సూర్య అప్పుడే ప్రీ ప్రొడ‌క్ష‌న్ వ‌ర్క్ స్టార్ట్ చేసేసారు. ఈ సినిమా కోసం ముంబైయిలో మ్యూజిక్ సిట్టింగ్స్ స్టార్ట్ చేసారు. గీత ర‌చ‌యిత రామ‌జోగ‌య్య శాస్త్రి ట్విట్ట‌ర్ లో స్పందిస్తూ...ఖుషీ వ‌ర్కింగ్ విత్ ఎస్.జె సూర్య గారు, అనూప్ డార్లింగ్ అంటూ క‌థార‌చ‌యిత ఆకుల శివ‌, అనూప్ రూబెన్స్, ఎస్.జె.సూర్య ల‌తో రామ‌జోగ‌య్య తీసుకున్న సెల్పీని పోస్ట్ చేసారు. ఈమ‌ధ్య డైరెక్ట‌ర్ ఎస్.జె.సూర్య రేణు దేశాయ్ ని క‌లిసారు. ఈ సినిమా గురించి చ‌ర్చించ‌డానికే సూర్య - రేణుదేశాయ్ ని క‌లిసార‌ని...ఈ సినిమాకి రేణుదేశాయ్ ఎగ్జిక్యూటివ్ ప్రొడ్యూస‌ర్ గా వ్య‌వ‌హ‌రిస్తున్నార‌ని వార్త‌లు వ‌చ్చాయి. ఇప్పుడు మ్యూజిక్ సిట్టింగ్స్ ముంబాయిలో ఏర్పాటు చేయ‌డం చూస్తుంటే రేణు దేశాయ్ సినిమాకి ఎగ్జిక్యూటివ్ ప్రొడ్యూస‌ర్ గా వ్య‌వ‌హ‌రిస్తున్న వార్త నిజమేనేమే అనిపిస్తుంది.