ప‌వ‌ర్ స్టార్ ప‌వ‌న్ క‌ల్యాణ్ హీరోగా నార్త్ స్టార్ ఎంట‌ర్ టైన్‌మెంట్ బ్యాన‌ర్‌పై శ‌ర‌త్ మ‌రార్ నిర్మాత‌గా డాలీ ద‌ర్శ‌క‌త్వంలో రూపొందుతోన్న చిత్రం `కాట‌మ‌రాయుడు`. సినిమా శ‌ర‌వేగంగా చిత్రీక‌ర‌ణ‌ను జ‌రుపుకుంటుంది. శృతిహాస‌న్ హీరోయిన్‌గా న‌టిస్తున్న ఈ చిత్రంలో ప‌వ‌న్‌క‌ల్యాణ్ అన్న‌గా న‌టిస్తుంటే క‌మ‌ల్ కామ‌రాజు, శివ‌బాలాజీ, చైత‌న్య‌కృష్ణ‌లు ప‌వ‌న్ త‌మ్ముళ్లుగా న‌టిస్తున్నారు.

ఈ చిత్రాన్నిడైరెక్టర్ కిషోర్ పార్థసాని(డాలీ) వీలైనంత త‌ర్వగా పూర్తి చేసి ఉగాది కానుక‌గా మార్చి 29న విడుద‌ల చేయడానికి ప్లాన్ చేయడానికి సన్నాహాలు చేస్తున్నాడు. ఈ సినిమా టీజ‌ర్‌ను సంక్రాంతికి విడుద‌ల చేయాల‌ని ముందుగా అనుకున్నారు. కానీ టీజ‌ర్ రిలీజ్ పోస్ట్ పోన్ అవుతూ వ‌చ్చింది. టీజ‌ర్ ఇప్పుడో అప్పుడో రిలీజ్ అంటూ వ‌చ్చిన వార్త‌ల‌పై నిర్మాత‌లు త్వ‌రలోనే అంటూ ఫుల్ స్టాప్ పెట్టారు. తాజా స‌మాచారం ప్ర‌కారం నిర్మాత‌లు కాట‌మ‌రాయుడు టీజ‌ర్‌ను ఫిబ్ర‌వ‌రి 4న విడుద‌ల చేస్తున్నామ‌ని త‌మ అధికార‌క ట్విట్ట‌ర్ అకౌంట్ ద్వారా తెలియ‌జేశారు. అంటే మ‌రో రెండు రోజుల్లో కాట‌మ రాయుడు టీజ‌ర్ కొత్త రికార్డుల‌కు తెర లేప‌నుంద‌న్న‌మాట‌.