ప‌వ‌ర్ స్టార్ కాట‌మ‌రాయుడు రిలీజ్ డేట్..!
- IndiaGlitz, [Monday,October 24 2016]
ప‌వ‌ర్ స్టార్ ప‌వ‌న్ క‌ళ్యాణ్ న‌టిస్తున్న తాజా చిత్రం కాట‌మ‌రాయుడు. ఈ చిత్రాన్ని గోపాల గోపాల ఫేమ్ డాలీ తెర‌కెక్కిస్తున్నారు. ప‌వ‌న్ ఫ్రెండ్ శ‌ర‌త్ మ‌రార్ నార్త్ స్టార్ ఎంట‌ర్ టైన్మెంట్ బ్యాన‌ర్ పై ప్ర‌తిష్టాత్మ‌కంగా నిర్మిస్తున్నారు. ఈ మూవీలో ప‌వ‌న్ స‌రికొత్త గెట‌ప్ లో క‌నిపించ‌నున్నారు. గ‌బ్బ‌ర్ సింగ్ లో ప‌వ‌న్ తో క‌లిసి న‌టించిన శృతిహాస‌న్ ఈ చిత్రంలో కూడా న‌టిస్తుండ‌డం విశేషం.
ప్ర‌స్తుతం ఈ చిత్రం శ‌ర‌వేగంగా షూటింగ్ జ‌రుపుకుంటుంది. ఈ చిత్రం ఇప్పటికే మూడు షెడ్యూల్స్ ను పూర్తి చేసుకుంది. ప్ర‌స్తుతం ఈ చిత్రానికి సంబంధించిన కీల‌క స‌న్నివేశాల‌ను హైదరాబాద్ లో చిత్రీక‌రిస్తున్నారు. ఈ చిత్రానికి అనూప్ రూబెన్స్ మ్యూజిక్ అందిస్తున్నారు. ఇదిలా ఉంటే...ఈ భారీ చిత్రాన్ని ఉగాది కానుక‌గా మార్చి 29న రిలీజ్ చేయ‌డానికి ప్లాన్ చేస్తున్న‌ట్టు స‌మాచారం.