'అత్తారింటికి దారేది'తో ఇండ‌స్ట్రీ హిట్ కొట్టిన కాంబినేష‌న్ ప‌వ‌ర్ స్టార్ ప‌వ‌న్ క‌ళ్యాణ్‌, మాంత్రికుల మాంత్రికుడు త్రివిక్ర‌మ్‌ది. అయితే ఈ కాంబినేష‌న్‌కి పునాది వేసిన చిత్రం 'జ‌ల్సా'. 'నువ్వే నువ్వే', 'అత‌డు' వంటి రెండు వ‌రుస విజ‌యాల త‌రువాత త్రివిక్ర‌మ్ ద‌ర్శ‌క‌త్వంలో రూపొందిన ఈ సినిమా.. 'ఖుషి' త‌రువాత స‌రైన విజ‌యం లేని ప‌వ‌న్‌కి ఊర‌టనిచ్చింది.

త్రివిక్ర‌మ్‌, ప‌వ‌న్ కాంబినేష‌నే ప్రెష్ అనుకుంటే.. ఈ ఇద్ద‌రితోనూ యువ సంగీత సంచ‌ల‌నం దేవిశ్రీ ప్ర‌సాద్ ఈ సినిమా కోస‌మే మొద‌ట‌గా జ‌ట్టుక‌ట్టి మ‌రింత ఫ్రెష్‌నెస్ తెచ్చారు. ఫ‌లితంగా.. 'జ‌ల్సా' మ్యూజిక‌ల్‌గా సెన్సేష‌న్ అయింది. ఇలియానా, పార్వ‌తీ మెల్ట‌న్‌, క‌మ‌లిని ముఖ‌ర్జీ.. ఇలా ముగ్గురు క‌థానాయిక‌ల‌తో ప‌వ‌న్ సాగించే ఆన్ స్క్రీన్ రొమాన్స్ యువ‌త‌ను ఆక‌ట్టుకుంది. 2008లో ఏప్రిల్ 2న విడుద‌లైన 'జ‌ల్సా'.. నేటితో 8 సంవ‌త్స‌రాల‌ను పూర్తిచేసుకుంటోంది.