రాజ‌కీయాల నుండి సినిమాల్లోకి ఎంట్రీ ఇచ్చిన త‌ర్వాత ప‌వ‌ర్‌స్టార్ ప‌వ‌న్‌క‌ల్యాణ్ వ‌రుస సినిమాలు చేస్తూ బిజీగా ఉన్నారు. ఇప్ప‌టికే ఆయ‌న మూడు సినిమాల‌ను లైన్‌లో పెట్టారు. ఇప్పుడు కొంద‌రు నిర్మాత‌లు ప‌వ‌న్‌క‌ల్యాణ్‌తో మ‌ల‌యాళ రీమేక్‌లో న‌టింప చేయాల‌ని అనుకుంటున్నార‌ని టాక్‌. వివ‌రాల్లోకెళ్తే.. మ‌ల‌యాళంలో పృథ్వీరాజ్ హీరోగా న‌టించిన ‘డ్రైవింగ్ లైసెన్స్‌’ సినిమా తెలుగు రీమేక్ హ‌క్కుల‌ను కొంద‌రు నిర్మాత‌లు ద‌క్కించుకున్నార‌ట‌. ఈ సినిమాలో ప‌వ‌న్ న‌టిస్తే చ‌క్క‌గా ఉంటుంద‌ని వారు భావిస్తున్నార‌ట‌. అందుకోసం ప‌వ‌న్ కోసం స్పెష‌ల్ షో వేయాల‌నుకుంటున్నార‌ట‌. మ‌రి వ‌ప‌న్ సినిమా చూడ‌టానికి ఆస‌క్తి చూపిస్తారో లేదో తెలియ‌డం లేదు.

ప‌వ‌న్  సినిమాల్లోకి రీ ఎంట్రీ ఇచ్చిన త‌ర్వాత రీమేక సినిమాతో స్టార్ట్ చేశాడు. బాలీవుడ్ సినిమా పింక్‌ను వ‌కీల్‌సాబ్‌గా రీమేక్ చేస్తున్నారు. దీని తర్వాత క్రిష్ ద‌ర్శ‌క‌త్వంలో ఓ పీరియాడిక‌ల్ మూవీలో న‌టించ‌బోతున్నాడు. ఇది కాకుండా హ‌రీశ్ శంక‌ర్ ద‌ర్శ‌క‌త్వంలో ప‌వ‌న్ క‌ల్యాణ్ ఓ సినిమా చేయ‌బోతున్నారు. ఒక‌వేళ ప‌వ‌న్ మ‌ల‌యాళ రీమేక్‌కు ఒప్పుకుంటే అదే నెక్ట్స్ మూవీ లైన్‌లో ఉండే అవ‌కాశం ఉంటుంది. మ‌రి మ‌ల‌యాళ రీమేక్‌కు ప‌వ‌న్ ఒప్పుకుంటాడో లేదో చూడాలి.