మహేశ్ సినిమాలో పవన్..?
- IndiaGlitz, [Saturday,December 05 2020]
కొన్ని కొన్ని క్రేజీ కాంబినేష‌న్స్ గురించి విన్న‌ప్పుడు జ‌రుగుతుందో లేదో కానీ.. జ‌రిగితే బావుండు‌న‌ని అంద‌రూ అనుకుంటారు. అలాంటి కాంబినేష‌న్ ప‌వ‌ర్‌స్టార్ పవన్కల్యాణ్, సూప‌ర్‌స్టార్ మహేశ్. వీరి కాంబోలో సినిమా వ‌స్తే చూడాల‌ని అభిమానులు కోరుకుంటున్నారు. అయితే ఇది తీరే అవ‌కాశాలున్నాయంటూ సోష‌ల్ మీడియాలో వార్త‌లు హ‌ల్‌చ‌ల్ చేస్తున్నాయి. వివ‌రాల మేర‌కు సూప‌ర్‌స్టార్ మహేశ్ 27వ చిత్రం స‌ర్కారువారి పాట రెగ్యుల‌ర్ షూటింగ్ స్టార్ట్ అయ్యింది. ఈ మ‌ధ్య హైద‌రాబాద్‌లో కొన్ని స‌న్నివేశాల‌ను చిత్రీక‌రించిన యూనిట్‌, వ‌చ్చే ఏడాది జ‌న‌వ‌రిలో యు.ఎస్‌లో ఓ లాంగ్ షెడ్యూల్‌ను ప్లాన్ చేసింది.
ఈ సినిమాలో ఓ అతిథి పాత్ర‌లో ప‌వ‌ర్‌స్టార్ పవన్కల్యాణ్ క‌నిపించ‌నున్నార‌ని గుస‌గుస‌లు వినిపిస్తున్నాయి. గ‌తంలో పవన్కల్యాణ్ హీరోగా చేసిన జల్సా సినిమాకు మహేశ్ వాయిస్ ఓవ‌ర్ అందించి అభిమానులను ఆక‌ట్టుకున్న సంగ‌తి తెలిసిందే. ప‌రుశురామ్ ద‌ర్శ‌క‌త్వంలో మైత్రీ మూవీ మేక‌ర్స్‌, 14 రీల్స్ ప్ల‌స్‌, జీఎంబీ ఎంట‌ర్‌టైన్‌మెంట్ బ్యాన‌ర్స్‌పై సినిమా నిర్మిత‌మ‌‌వుతుంది. కీర్తిసురేశ్ హీరోయిన్‌గా న‌టిస్తుంది.ఇందులో మహేశ్ ఎన్నారై బిజినెస్ మేన్‌గా, ఫైనాన్సియ‌ర్‌గా.. ఇలా రెండు షేడ్స్‌లో క‌నిపిస్తార‌ని వార్త‌లు వినిపిస్తున్నాయి.