ప‌వ‌ర్ స్టార్ ప‌వ‌న్ క‌ళ్యాణ్ కి ప్ర‌కృతి అన్నా, ప‌శువులు అన్నా ఎంతో ఇష్టం. అందుకే స‌మ‌యం దొరికితే చాలు...త‌న ఫామ్ హౌస్ లో ప్ర‌కృతి, ప‌శువుల మ‌ధ్య ఎక్కువ గ‌డ‌ప‌డానికి ఇష్ట‌ప‌డుతుంటాడు. ఈరోజు ప‌వ‌న్ త‌న ఫామ్ హౌస్ లో గోవుల మ‌ధ్య‌ నిల‌బ‌డి ప్ర‌కృతిని ఆరాధిస్తూన్నార‌ట‌. అదే స‌మ‌యానికి నిర్మాత శ‌ర‌త్ మ‌రార్ అక్క‌డ‌కి వెళ్లార‌ట‌.

ఈ విష‌యాన్ని శ‌ర‌త్ మ‌రార్ ట్విట్ట‌ర్ ద్వారా తెలియ‌చేస్తూ....త‌న‌తో చేయ‌నున్న సినిమా గురించి డిష్క‌స్ చేయ‌డానికి ప‌వ‌న్ ఫామ్ హౌస్ కి వెళ్ళాను. గోవుల మ‌ధ్య గోపాలుడులా ఇలా ద‌ర్శ‌న‌మిచ్చారు అంటూ ప‌వ‌న్ ఫోటో ను పోస్ట్ చేసారు. ప‌వ‌న్ క‌ళ్యాణ్ హీరోగా శ‌ర‌త్ మ‌రార్ గోపాల గోపాల‌, స‌ర్ధార్ గ‌బ్బ‌ర్ సింగ్ చిత్రాల‌ను నిర్మించారు. తాజాగా ప‌వన్ క‌ళ్యాణ్ హీరోగా గోపాల గోపాల ఫేమ్ డాలీ ద‌ర్శ‌క‌త్వంలో ఓ చిత్రం నిర్మిస్తున్నారు. ఈ చిత్రం త్వ‌ర‌లో ప్రారంభం కానుంది.