57 బహిరంగ సభల్లో పాల్గొన్న పవన్
- IndiaGlitz, [Tuesday,April 09 2019]
తెలుగు రాష్ట్రాల్లో ఎన్నికల నోటిఫికేషన్ విడుదలైంది మొదలుకుని నేటి వరకూ ప్రధాన పార్టీల అధినేతలు, ఎమ్మెల్యే, ఎంపీ అభ్యర్థులు ప్రచారంలో మునిగితేలారు. అధికార, ప్రతిపక్ష పార్టీలకు దీటుగా జనసేన అధినేత పవన్ కల్యాణ్ సైతం ఎన్నికల ప్రచారంలో దూసుకెళ్లారు.
కాగా ఇవాళ్టి వరకు మొత్తం 57 బహిరంగ సభల్లో పవన్ పాల్గొన్నారు. కాగా రాజమండ్రి బహిరంగ సభా వేదికగా మేనిఫెస్టో అంశాలను వెల్లడించడం జరిగింది. మరోవైపు బీఎస్పీ అధినేత్రి మాయావతితో కలిసి మూడు సభల్లో పవన్ పాల్గొన్నారు.
మరోవైపు చివరి రోజున పవన్ పోటీచేస్తున్న భీమవరంలో ఎన్నికల ప్రచారానికి జనసేనాని ముగింపు పలికారు. కాగా పవన్ గాజువాక, భీమవరం రెండు స్థానాల నుంచి పోటీ చేస్తున్న విషయం విదితమే. 2019 ఎన్నికల్లో ఫస్ట్ టైమ్ అదృష్టాన్ని పరిశీలించుకుంటున్న జనసేన ఎన్ని సీట్లు దక్కించుకుంటుందో వేచి చూడాల్సిందే మరి.