5 సినిమాలకు గ్రీన్ సిగ్నల్ ఇచ్చిన పవన్..!
- IndiaGlitz, [Friday,September 02 2016]
గ‌త కొన్ని రోజులుగా ప‌వ‌ర్ స్టార్ పవన్ కళ్యాణ్ న‌ట‌కు గుడ్ బై చెప్పేస్తారు అని ప్ర‌చారం జ‌రిగింది. ఇదే విష‌యాన్ని పవన్ ని అడిగితే...నిజ‌మే...సినిమాలు మానేసి రాజ‌కీయ రంగంలో ప్ర‌వేశించాల‌నుకుంటున్నాను అని తెలియ‌చేసారు. మ‌రి ఏమైందో ఏమో...మొన్న తిరుప‌తి బ‌హిరంగ స‌భ‌లో రాజకీయాల్లో ప్ర‌వేశించినా సినిమాలు చేస్తాను. ఎందుకంటే...నా ద‌గ్గ‌ర డ‌బ్బులు లేవ‌బ్బా అని చెప్పారు. అందుకే అనుకుంట పవన్ 5 సినిమాలకు గ్రీన్ సిగ్నల్ ఇచ్చిన‌ట్టు సమాచారం.
ఇంత‌కీ ఆ ఐదు సినిమాలు ఏమిటంటే....
1) డాలీ దర్శకత్వంలో శ‌ర‌త్ మ‌రార్ నిర్మించే కాట‌మ‌రాయుడు.
2) పవన్ సన్నిహితుడు త్రివిక్ర‌మ్ శ్రీనివాస్ దర్శకత్వంలో రాధాకృష్ణ నిర్మించే చిత్రం
3) ద‌ర్శ‌క‌ర‌త్న దాస‌రి నారాయ‌ణ‌రావు నిర్మాణంలో తార‌క‌ప్ర‌భు ఫిల్మ్స్ బ్యాన‌ర్ పై రూపొందే చిత్రం
4) శ్రీ సూర్య మూవీస్ బ్యాన‌ర్ పై ఎ.ఎం.ర‌త్నం నిర్మించే చిత్రం
5) శ్రీ బాలాజీ సినీ మీడియా బ్యాన‌ర్ పై జె.భ‌గ‌వాన్ - జె.పుల్లారావు నిర్మించే చిత్రం.
ఈ ఐదు చిత్రాల‌కు పవన్ గ్రీన్ సిగ్నల్ ఇచ్చార‌ట. ఈ ఐదు చిత్రాల్లో రెండు చిత్రాల‌కు డాలీ, త్రివిక్ర‌మ్ ద‌ర్శ‌కులు. మిగిలిన మూడు చిత్రాల‌కు డైరెక్ట‌ర్స్ ఎవ‌ర‌నేది తెలియాల్సివుంది..!