'నాక్కొంచెం తిక్కుంది.. కానీ దానికో లెక్కుంది', 'నేను ట్రెండ్‌ని ఫాలో కాను.. ట్రెండ్‌ని సెట్ చేస్తా'.. ఇలాంటి ఎన్నో పంచ్ డైలాగ్‌ల‌ను ప‌వ‌ర్ స్టార్ ప‌వ‌న్ క‌ళ్యాణ్ నోట వినిపింప‌జేసిన సినిమా 'గ‌బ్బ‌ర్ సింగ్‌'. హిందీలో ఘ‌న‌విజ‌యం సాధించిన 'ద‌బాంగ్' కి రీమేక్ గా రూపొందినా.. ప‌లు మార్పుల‌తో తెలుగు నెటివేటికి ద‌గ్గ‌ర‌గా ద‌ర్శ‌కుడు హ‌రీష్ శంక‌ర్ రూపొందిచారీ సినిమాని.

ప‌వ‌న్ క‌ళ్యాణ్ ఎన‌ర్జిటిక్ యాక్టింగ్ కి తోడుగా, శ్రుతి హాస‌న్ గ్లామ‌ర్‌, దేవిశ్రీ ప్ర‌సాద్ బాణీలు ఈ సినిమా విజ‌యంలో కీల‌క పాత్ర పోషించాయి. ఈ సినిమా ముందువ‌ర‌కు ఐర‌న్ లెగ్ హీరోయిన్‌గా పేరు తెచ్చుకున్న శ్రుతి.. ఈ చిత్రంతోనే గోల్డెన్ లెగ్ హీరోయిన్‌గా ట‌ర్న్ అవ్వ‌డం విశేషం. 2012లో విడుద‌లైన చిత్రాల్లో బిగ్గెస్ట్ హిట్ గా నిలిచిన ఈ చిత్రాన్ని బండ్ల గ‌ణేష్ నిర్మించారు. మే 11, 2012న విడుద‌లైన 'గ‌బ్బ‌ర్ సింగ్' నేటితో 4 ఏళ్ల‌ను పూర్తిచేసుకుంటోంది.