ప‌వ‌ర్‌స్టార్ ప‌వ‌న్‌క‌ల్యాణ్ సినిమాల్లోకి రీ ఎంట్రీ ఇచ్చిన త‌ర్వాత వ‌రుస సినిమాల‌కు ఓకే చెబుతూ అంద‌రినీ ఆశ్చ‌ర్య‌ప‌రుస్తున్నారు. ఇప్ప‌టికే ‘వ‌కీల్‌సాబ్‌’తో పాటు క్రిష్ ద‌ర్శ‌క‌త్వంలో ఓ సినిమా చేయ‌బోతున్న సంగ‌తి తెలిసిందే. దీంతో పాటు ప‌వ‌న్ మ‌రో మూడు సినిమాల‌ను అధికారికంగా ప్ర‌క‌టిస్తార‌ని స‌మాచారం. అందులో హ‌రీశ్ శంక‌ర్ సినిమాతో పాటు సితార ఎంట‌ర్‌టైన్‌మెంట్స్‌లో మ‌ల‌యాళ చిత్రం ‘అయ్య‌ప్ప‌నుమ్ కోశియుమ్’ సినిమా రీమేక్ కూడా ఉంది. ఇవి కాకుండా సురేంద‌ర్‌రెడ్డి ద‌ర్శ‌క‌త్వంలో ఓ సినిమా చేస్తార‌నే టాక్ వినిపిస్తోంది.

ఈ నేప‌థ్యంలో ప‌వ‌న్ ‘అయ్య‌ప్ప‌నుమ్ కోశియుమ్’ రీమేక్ కోసం నిర్మాత‌ల‌కు టార్గెట్ పెట్టార‌ని స‌మాచారం. రెండు నెలల్లో సినిమాను పూర్తి చేస్తేనే తాను సినిమాలో నటిస్తానని పవన్ చెప్పారట. అందుకు నిర్మాతలు ఓకే అన్నారు. సింపుల్ స్టోరీ. పవన్‌తో న‌టించ‌బోయే మ‌రో హీరోను వెతుక్కోవాలంతే. విజ‌య్ సేతుప‌తి, రానా స‌హా కొంత‌ మంది పేర్లు వినిపిస్తున్నాయి. త్వ‌ర‌లోనే ప‌వ‌న్ తదుప‌రి సినిమాపై ఓ క్లారిటీ రానున్న‌ట్లు టాక్‌.