ప్రభుత్వంపై పవన్ ధ్వజం...
- IndiaGlitz, [Sunday,August 23 2015]
పెనమాకలో రైతుల నుండి భూసేకరణ కోసం ఆంధ్రప్రదేశ్ ప్రభుత్వం చట్టం జారీ చేసిన సంగతి తెలిసిందే. దాంతో పెనమాక ప్రజల నుండి భారీ ఎత్తున నిరసనలు వెల్లువెత్తాయి. ఈ క్రమంలో తెలుగు దేశానికి సపోర్ట్ చేసిన పవన్ కళ్యాణ్ ఇప్పుడు ప్రజల పక్షాన నిలబడ్డాడు.
ప్రజల నుండి బలవంతంగా భూములు లాక్కోవద్దని, వారు ఇష్టపడి ఇస్తేనే తీసుకోమని, ఒకవేళ ప్రభుత్వానికి భూములు కావాలంటే వారికి లిఖిత పూర్వక హామీనిచ్చి భూసేకరణ చేయాలని లేకుంటే చాల సమస్యలు వచ్చే ప్రమాదం ఉందని, తనకి ఎవరితో వ్యక్తిగతమైన వైరం లేదని, అభివృద్ధి కోసమే టీడీపీకి సపోర్ట్ చేశానని, అంత మాత్రాన తాను వారి బానిసను కానని చెప్పుకొచ్చారు. ప్రభుత్వం ప్రజలకు వ్యతిరేకంగా పోరాటం చేస్తే తాను ధర్నా చేపడతానని అన్నారు.