సినిమాలకు రెండేళ్లు దూరమై రాజకీయాల్లోనే గడిపిన జ‌న‌సేనాని,ప‌వ‌ర్‌స్టార్ ప‌వ‌న్‌క‌ల్యాణ్ సైలెంట్‌గా సినిమాల్లో రీ ఎంట్రీ ఇచ్చేశాడు. ఆయ‌న టైటిల్ పాత్ర‌లో న‌టిస్తోన్న చిత్రం ‘వకీల్ సాబ్’. బాలీవుడ్ చిత్రం ‘పింక్’కు ఇది రీమేక్. ఈ ఏడాది మే 15న వ‌కీల్‌సాబ్‌ను విడుద‌ల చేయాల‌ని నిర్మాత‌లు దిల్‌రాజు, బోనీక‌పూర్ భావించారు. అయితే కోవిడ్ 19 విజృంభించ‌డంతో దేశంలోని అన్నీ సినిమాల షూటింగ్‌ల‌ను ఆపేశారు. అలా ‘వ‌కీల్‌సాబ్’ సినిమా షూటింగ్ ఆగిపోయింది. రెండున్న‌ర నెల‌ల త‌ర్వాత ప్ర‌భుత్వం షూటింగ్స్‌ను కొన్ని ప‌రిమితులు విధించి గ్నీన్ సిగ్న‌ల్ ఇచ్చిన సంగ‌తి తెలిసిందే.

అయితే ‘వ‌కీల్‌సాబ్‌’ మాత్రం సెట్స్‌కు వెళ్ల‌డానికి ఒప్పుకోవ‌డం లేద‌ట‌. నిజానికి ఇటీవ‌ల ఈ చిత్రం ఆగ‌స్టులో చిత్రీక‌ర‌ణ‌ను జ‌రుపుకుంటుంద‌ని అనుకున్నారు. కానీ ప‌వ‌న్ మాత్రం ఆగ‌స్టులో చిత్రీక‌ర‌ణ‌కు ఓకే చెప్ప‌లేద‌ని సెప్టెంబ‌ర్‌లో స్టార్ట్ చేయాల‌నుకుంటున్నట్లు స‌మాచారం. సెప్టెంబ‌ర్‌లో షూటింగ్స్ స్టార్ట్ చేసి ఈ ఏడాదిలోనే షూటింగ్‌ను పూర్తి చేసి సినిమాను వ‌చ్చే ఏడాది సంక్రాంతికి విడుద‌ల చేయాల‌నుకుంటున్న‌ట్లు స‌మాచారం. ‘వకీల్‌సాబ్‌’ షూటింగ్ పూర్తి చేయ‌గానే క్రిష్ ద‌ర్శ‌క‌త్వంలో ప‌వ‌న్ సినిమా షూటింగ్‌ను స్టార్ట్ చేయాల్సి ఉంది.